მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სტვენა ისრაელის ჰიმნის დროს, ჩხუბი, გაძლიერებული უსაფრთხოება და რეკორდულად ცოტა გულშემატკივარი სტადიონზე - რა ხდებოდა საფრანგეთი-ისრაელის მატჩზე?
14:18 / 15-11-2024
ხუთშაბათს საღამოს, Stade de France-ზე ისრაელისა და საფრანგეთის გულშემატკივრებს შორის შეტაკება მოხდა. სიტუაცია პოლიციამ განმუხტა.
გასულ კვირას, ნიდერლანდებში აიაქსსა და მაკაბი თელ-ავივს შორის მატჩზე მომხდარი ანტისემიტური ინციდენტებისა და ხულიგნობის შემდეგ, მზარდი დაძაბულობის გამო, ერთა ლიგის მატჩი საფრანგეთის ხელისუფლებამ "მაღალი რისკის" მქონედ დაასახელა.
- ინციდენტი თამაშის დაწყებიდან მხოლოდ ათი წუთის, 20:45 საათზე დაიწყო, როდესაც ზედა ტრიბუნებზე გულშემატკივართა მცირე ჯგუფი შეეტაკა ერთმანეთს, რამაც სტადიონის უსაფრთხოების სწრაფი რეაგირება გამოიწვია.
იქვე განთავსებული სპეცდანიშნულების რაზმი მზად იყო, საჭიროების შემთხვევაში ჩარეულიყო. მატჩის დაწყებამდე, ხალხი ისრაელის ეროვნულ ჰიმნს სტვენით შეხვდა, რამაც ისედაც დაძაბული ატმოსფერო კიდევ უფრო დაძაბა. თუმცა, შეტაკების მიზეზი გაურკვეველი რჩება.
პრეზიდენტი ემანუელ მაკრონი მატჩს მაღალჩინოსნებთან, მათ შორის შინაგან საქმეთა მინისტრ ბრუნო რეტაიოსთან და პრემიერ-მინისტრ მიშელ ბარნიესთან ერთად დაესწრო, რითაც ანტისემიტიზმის წინააღმდეგ სოლიდარობა გამოხატა.
"ჩვენ ანტისემიტიზმს არსად დავუშვებთ, და ძალადობა და დაშინება, მათ შორის, საფრანგეთის რესპუბლიკაში, ვერასდროს გაიმარჯვებს," - განაცხადა მაკრონმა BFMTV-სთვის მიცემულ ინტერვიუში. მან მკაცრად დაგმო როგორც ანტისემიტიზმი, ასევე მატჩთან დაკავშირებული ძალადობის მუქარები.
ისრაელსა და საფრანგეთს შორის გამართულ მატჩზე, რომელიც უგოლოდ დასრულდა, ტრიბუნებზე ყოფილი პრეზიდენტები - ფრანსუა ოლანდი და ნიკოლა სარკოზიც გამოჩნდნენ.
80,000-ადგილიან სტადიონზე თამაშს 20,000-ზე ნაკლები მაყურებელი დაესწრო, რაც, გაძლიერებული უსაფრთხოების ზომების მიუხედავად, რეკორდულად დაბალი მაჩვენებელია. დაბალი დასწრება, სავარაუდოდ, ისრაელის ეროვნული უსაფრთხოების საბჭოს მიერ გაცემული გაფრთხილების შედეგია.
სტადიონის ტერიტორიაზე, 1,500 უსაფრთხოების პერსონალთან ერთად დაახლოებით 4,000 პოლიციელი პატრულირებდა. ამასობაში, ისრაელიდან დაახლოებით 100 გულშემატკივარმა უგულებელყო მთავრობის გაფრთხილება, რომ სპორტულ ღონისძიებებზე გამგზავრებისგან თავი შეეკავებინათ.
სტადიონის გარეთ, დაახლოებით 2 კილომეტრის მოშორებით, რამდენიმე ასეული პრო-პალესტინელი დემონსტრანტი შეიკრიბა. ისინი მატჩის წინააღმდეგ პროტესტის ნიშნად პალესტინის დროშებს აფრიალებდნენ, ასევე, რამდენიმე ლიბანურ და ალჟირულ დროშას.
"ჩვენ გენოციდით არ ვთამაშობთ," - ეწერა ერთ ბანერზე, ღაზას ომზე მინიშნებით.
როდესაც ჯგუფმა სტადიონისკენ სვლა დაიწყო, სპეცდანიშნულების პოლიცია ჩაერია და ის შემდგომი არეულობის თავიდან ასაცილებლად შეაკავა.
ფრანგმა დეპუტატმა ერიკ კოკერელმა მემარცხენე პარტია "დაუმორჩილებელი საფრანგეთიდან" მთავრობის პოზიცია გააკრიტიკა, ისევე, როგორც მაკრონის დასწრება მატჩზე და მიუთითა, რომ ფრანგი ლიდერების ყოფნა ღაზაში მზარდი დაძაბულობის ფონზე არასწორ გზავნილს აგზავნიდა.
"ამ მატჩს, რომელიც ყველამ იცის, რომ მეორეხარისხოვანია, ესწრება პრეზიდენტი მაკრონი, პრემიერ-მინისტრი, ნიკოლა სარკოზი და ფრანსუა ოლანდი. რას ელით, რომ ბენიამინ ნეთანიაჰუ გაიგონებს რაიმე სხვა მინიშნებას, გარდა ასეთისა: 'შეგიძლიათ, გააგრძელოთ ღაზას განადგურება”? ეს უბრალოდ, სკანდალია. წარმოვიდგინოთ საფრანგეთი-რუსეთის მატჩი. ემანუელ მაკრონი პატივს მიაგებდა ამ შეხვედრას თავისი დასწრებით? ცხადია, არა. მაშინ, როცა ორივე შემთხვევაში საქმე გვაქვს ორ აგრესორ ქვეყანასთან," - თქვა მან.
საფრანგეთის პოლიციის უფროსმა ლორან ნუნიესმა განაცხადა, რომ მისი ძალები სიფრთხილეს იჩენდნენ, გამომდინარე ნიდერლანდებში მიღებული გამოცდილებიდან. "რაც ჩვენ ვისწავლეთ არის ის, რომ საჯარო სივრცეში უნდა ვიყოთ წარმოდგენილი, მათ შორის სტადიონიდან მოშორებითაც," - განაცხადა მან.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს იყო ფეხბურთი ? ევროპა თუ აზრზე არ მოვიდა მალე ცარიელ ტრიბუნებთან ერთად შეეჩვევიან თამაშს .... .
იქნებ ამიხსნათ ვინმემ, კი ბატონო რუსეთი აგრესორია და ებრძოლეთ მას, მაგრამ რა დააშავეს ამ ქვეყნის სპორტსმენებმა, ანდა ხელოვანებმა რომ მოკვეთეს დანარჩენი მსოფლიოდან. კანონს უკუქცევითი ძალა არა აქვსო, მაშ რატომ ათამაშებთ იაშინი პრიზებს. ანდა ამ მატჩების შემყურე კითხვა არ უჩნდება ვინმეს, აგრესორი მხოლოდ რუსეთია.