მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სამი ქორწინება და შვიდი შვილი - ვინ არის არმიის ვეტერანი, Fox-ის წამყვანი, რომელსაც ტრამპი თავდაცვის მდივნობას ურთულესი გლობალური კრიზისის დროს ანდობს
16:18 / 14-11-2024
დონალდ ტრამპმა Fox News წამყვანი პიტ ჰეგსეთი თავდაცვის მდივნის თანამდებობაზე დაასახელა. პიტი გარდა ტელეწამყვანობისა, არმიის ვეტერანია და აშშ-ში პოპულარული პერსონაა. მედია წერს, რომ პენტაგონში ტრამპის ამ გადაწყვეტილებას სიხარულით არ შეხვდნენ და ბევრისთვის "შოკისმომგვრელის" კი აღმოჩნდა
"პიტის ხელში ჩვენი არმია კვლავ დიდებული იქნება და ამერიკა უკან არასოდეს დაიხევს“. - თქვა ტრამპმა პიტის შესახებ.
44 წლის ჰეგსეთს მჭიდრო ურთიერთობა აქვს ტრამპთან. ცნობილია, რომ აშშ-ის ახლად არჩეული პრეზიდენტი მის კანდიდატურას წინა პრეზიდენტობის დროსაც განიხილავდა. როგორც Associated Press წერს, ჰეგსეთი ტრამპს მოუწოდებდა, სამხედრო დანაშაულებში ბრალდებული პატიმრები გაეთავისუფლებინა.
რა არის ცნობილი პიტ ჰეგსეთის შესახებ?
ის Fox News-ის სახე და Fox & Friends Weekend-ის ავტორი და თანაწამყვანია. პიტისა და დონალდ ტრამპის მეგობრობა ჯერ კიდევ ტრამპის პრეზიდენტობის დროს დაიწყო, როდესაც დონალდი მისი შოუს რეგულარული სტუმარი გახდა. "ჰეგსეთს აქვს სამხედრო ცოდნა და სამხედრო საკითხების ღრმა ანალიზის უნარი", - აცხადებენ Fox News-ში.
ის რამდენიმე წიგნის ავტორია, მათ შორის: "ომი მეომრების წინააღმდეგ: იმ ადამიანების ღალატის მიღმა, რომლებიც ჩვენს თავისუფლებას იცავენ."
მართალია ჰეგსეთი არმიის ვეტერანია, მაგრამ არ აქვს უმაღლესი სამხედრო, ან ეროვნულ უსაფრთხოებაში მუშაობის გამოცდილება.
2003 წელს, პრინსტონის უნივერსიტეტის დამთავრების შემდეგ, ჰეგსეთი არმიის ქვეითთა კაპიტანი გახდა. ის ავღანეთსა და ერაყში, ასევე, გუანტანამოში მსახურობდა.
ჰეგსეთი იცავდა სამხედრო დანაშაულში ბრალდებულ სამხედრო მოსამსახურეებს. 2019 წელს მოუწოდა ტრამპს, შეეწყალებინა აშშ-ს სამხედრო მოსამსახურეები, რომლებიც სამხედრო დანაშაულში იყვნენ ბრალდებულნი. ამბობდა, რომ თუ ტრამპი მათ შეიწყალებდა, ეს "საოცარი იქნებოდა".
ძალისხმევა წარმატებული აღმოჩნდა, ტრამპმა იმ წელს აშშ-ის არმიის ყოფილი ჯარისკაცი შეიწყალა ასევე შეიწყალა ყოფილი ლეიტენანტი, რომელიც მკვლელობისთვის იყო მსჯავრდადებული მას შემდეგ, რაც თავის ხალხს უბრძანა, ცეცხლი გაეხსნათ სამი ავღანელისთვის, რომელთაგან ორი დაიღუპა.
ჰეგსეთი თანამდებობაზე გლობალური კრიზისების სერიის დროს მოდის. მათ შორისაა, რუსეთის ომი უკრაინაში, ირანის პროქსების მიმდინარე თავდასხმები ახლო აღმოსავლეთში, რუსეთისა და ჩრდილოეთ კორეის მზარდი ალიანსი.
თავდაცვის მდივნის პოსტი ტრამპის პირველი ვადის დროს საკმაოდ ცვალებადი იყო. ოთხი წლის განმავლობაში თავდაცვის მდივანი ხუთჯერ შეცვალეს.
ჰეგსეთი მინეაპოლისში, მინოსეტაში დაიბადა. ამჟამად ცხოვრობს ტენესის შტატში მეუღლესთან. ის სამჯერ იყო დაქორწინებული. ჰყავს შვიდი შვილი - მათგან 4 არის ბიოლოგიური შვილი, ხოლო სამი ბავშვი მესამე ცოლის პირველი ქორწინებიდან და მათ შვილებად აღიარებს,
ჰეგსეთი პირველ ცოლს, მერედიტ შვარცს 2009 წელს დაშორდა და 2010 წელს დაქორწინდა სამანტა დირინგზე, რომელთანაც სამი შვილი ჰყავს. 2017 წელს, როდესაც პიტი ქორწინებაში იყო, მეოთხე შვილი შეეძინა Fox-ის აღმასრულებელ პროდიუსერ ჯენიფერ რაუშეტისგან.
ამ ამბის შემდეგ ცოლს დაშორდა. 2019 წელს ჰეგსეტმა Fox-ის აღმასრულებელ პროდიუსერზე ოფიციალურად იქორწინა და დღემდე მასზეა დაქორწინებული.
ნახეთ ასევე:
- ქალი, რომელიც აშშ-ის და პრეზიდენტის უსაფრთხოებას დაიცავს: დაკოტელი ფერმერის სკანდალური წარსული და შეხვედრა კიმ ჩენ ინთან - ვინ არის კრისტი ნოემი
- "საკონცენტრაციო ბანაკების აშენებას არ ვაპირებ" - ვინ არის აშშ-ის “საზღვრების მეფე“, რომელიც, ტრამპის თქმით, არალეგალთა დეპორტაციაზე იქნება პასუხისმგებელი?
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ლალი-ს შენმა პრეზიდენტმა მიშამ ყველას აჯობა მაგ საქმეში, დამშვიდდით!
ეს რომ ამერიკელმა მეტ. ე ლიბერასტებმა გაიგეს თურმე ,იმდენად აღშფოთდნენ და შეძრწუდნენ.სასწრაფოდ გირჩი ჯაფარას პოზაში ჩადგნენ და ეკრანებს მუშვრეს პროტესტის ნიშნად! :)))