მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ისრაელის ცნობით, ამსტერდამში მომხდარი "ანტისემიტური თავდასხმები" წინასწარ იყო დაგეგმილი - ქალაქში კვლავ საგანგებო მდგომარეობა მოქმედებს: რას აცხადებენ დაკავებულებზე?
14:48 / 11-11-2024
ხელისუფლებამ გაასაჯაროვა დეტალები ამსტერდამის "აიაქსისა" და თელ-ავივის "მაკაბის" მატჩის შემდგომი ძალადობის გამო დაკავებულების თაობაზე. ძალადობრივი ინციდენტები ხუთშაბათს ღამით მოხდა.
მომხდარი, რომელიც ამსტერდამის მერმა ფემკე ჰალსემამ აღწერა, როგორც "მაკაბის" გულშემატკივრებზე სკუტერიანი ბიჭების თავდასხმები (მათ მიზანმიმართულად ეჯახებოდნენ და გარბოდნენ), საერთაშორისო საზოგადოების აღშფოთება გამოიწვია. ჰოლანდიის პრემიერ-მინისტრმა დიკ შოფმა და აშშ-ს პრეზიდენტმა ჯო ბაიდენმა ქმედებები მკაცრად დაგმეს.
ამსტერდამის პოლიციის უფროსმა პიტერ ჰოლამ განაცხადა, რომ ინციდენტები ორივე მხრიდან დაფიქსირდა და ოთხშაბათს ღამით დაიწყო, როდესაც "მაკაბის" გულშემატკივრებმა ქალაქის ცენტრში, ერთ-ერთი შენობიდან პალესტინის დროშა ჩამოხსნეს და ტაქსი დააზიანეს.
მისი თქმით, დაკავებულთაგან, დაახლოებით, 40 ეჭვმიტანილია საზოგადოებრივი წესრიგის დარღვევაში, მათ ჯარიმა გადაიხადეს და გათავისუფლდნენ. ათი პირი ეჭვმიტანილია შეურაცხყოფაში, ვანდალიზმსა და პიროტექნიკის უკანონო ფლობაში. კიდევ ათი შემთხვევიდან ოთხი მცირე დარღვევებისთვის დაჯარიმდა, ხოლო ორი საქმე მტკიცებულებების ნაკლებობის გამო დაიხურა.
ამსტერდამსა და ახლომდებარე ამსტელვეინში საგანგებო მდგომარეობაა გამოცხადებული. აკრძალულია დემონსტრაციები, ებრაულ შენობებთან გაძლიერებულია უსაფრთხოების ზომები, პოლიციას მოქალაქეების გაჩერებისა და შემოწმებისთვის დამატებითი უფლებები აქვს მინიჭებული.
კვირას პროპალესტინური აქცია სამართალდამცავებმა დაშალეს - ასობით დემონსტრანტმა შეკრების აკრძალვა დაარღვია, მათ დედაქალაქის მოედან Dam-ზე მოიყარეს თავი და ღაზაში ძალადობის შეწყვეტისა და "თავისუფალი პალესტინის" შესახებ მოთხოვნებს სკანდირებდნენ. პოლიციამ ადგილიდან 300-ზე მეტი პროპალესტინელი დემონსტრანტი გაიყვანა, შეტაკებების შემდეგ კი კიდევ 50 ადამიანი დააკავა.
ისრაელის ეროვნული უსაფრთხოების საბჭომ მოქალაქეები გააფრთხილა, გაერთიანებულ სამეფოსა და ევროპაში კულტურულ და სპორტულ ღონისძიებებზე დასწრებისგან თავი შეიკავონ. საბჭომ განაცხადა, რომ რამდენიმე ევროპულ ქალაქში, მათ შორის ბრიუსელში, ლონდონში, ამსტერდამსა და პარიზში, ისრაელის მოქალაქეებზე თავდასხმის მომზადების ფაქტები გამოვლინდა.
საფრანგეთის პრეზიდენტის, ემანუელ მაკრონის ადმინისტრაციის ცნობით, ის სოლიდარობის ნიშნად ისრაელის წინააღმდეგ ერთა ლიგის მატჩს დაესწრება.
პოლიციის უფროსმა ოლივიე დუტილმა სასამართლოს განუცხადა, რომ შეზღუდვები კვლავ საჭიროა, რადგან ანტისემიტური ინციდენტები შაბათ საღამოსაც მოხდა. საპროტესტო აქციის ორგანიზატორებმა Instagram-ზე განაცხადეს, რომ აღშფოთებულნი არიან მატჩის გარშემო არეულობის ანტისემიტურად "შეფუთვით" და დემონსტრაციების აკრძალვას დრაკონულს უწოდებენ, თუმცა ისრაელი აცხადებს, რომ მათ სპეცსამსახურებს აქვთ ინფორმაცია, რომ საფეხბურთო მატჩის შემდგომი თავდასხმა წინასწარ იყო დაგეგმილი და ორგანიზებული.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
