საგანგებო მზადება და უსაფრთხოების გამკაცრებული ზომები - მოსალოდნელი არეულობის გამო თეთრი სახლს მაღალი ღობე შემოავლეს
აშშ-ს საპრეზიდენტო არჩევნების წინა დღეებში ვაშინგტონის ცენტრში მდებარე თეთრ სახლს 10 ფუტის სიმაღლის ლითონის ღობე შემოავლეს. საიდუმლო სამსახურის ეს გადაწყვეტილება საზოგადოებაში დიდად არ მოეწონათ. მოგეხსენებათ, თეთრი სახლი ერთ-ერთი ღირსშესანიშნაობაა, რომელსაც დღეში ათასობით ტურისტი სტუმრობს.
როგორც აღმოჩნდა, მიმდინარე არჩევნების გამო, არეულობის თავიდან ასაცილებლად, ქალაქის მმართველობამ გადაწყვიტა საგანგებო უსაფრთხოების ზომები მიიღოს.
- ტრამპის მხარდამჭერების ნაწილი, მიიჩნევს, რომ შესაძლოა არჩევნების შედეგები გაყალბდეს. მსოფლიოს ახსოვს, 2021 წელს, საპრეზიდენტო არჩევნების შემდეგ განვითარებული მოვლენები, როდესაც ტრამპის მხარდამჭერები კაპიტოლიუმის შენობაში შტურმით შეიჭრნენ. მაშინ განვითარებულ მოვლენებს მსხვერპლიც მოჰყვა.
როგორც დასავლური მედია წერს, სწორედ ამან განაპირობა საგანგებოდ მიღებული ზომები.
არჩევნების შემდგომი არეულობებისთვის მხოლოდ თეთრი სახლი არ ემზადება - როგორც ადგილობრივი ახალი ამბები იტყობინება, ქალაქის ცენტრში დახურულია ზოგიერთი ბიზნესცენტრიც.
მაღალი ღობე არის აღმართული საზღვაო ობსერვატორიის გარშემო, სადაც ვიცე-პრეზიდენტ კამალა ჰარისის ოფიციალური რეზიდენცია მდებარეობს.
”ჩვენს ქალაქში არ იქნება შემწყნარებლობა ძალადობის მიმართ. ჩვენ არ შევეგუებით ნგრევას და საზოგადოებრივი უსაფრთხოების დარღვევას",- განაცხადა პოლიციის უფროსმა პამელა სმიტმა პრესკონფერენციაზე.