"სირცხვილია და ამორალურია ეთნიკური უმცირესობის გამოყენება არჩევნების გასაყალბებლად" - რას წერს პრეზიდენტი?
სირცხვილია და ამორალურია ეთნიკური უმცირესობის არჩევნების გასაყალბებლად გამოყენება, - ასე ეხმაურება საქართველოს პრეზიდენტი, სალომე ზურაბიშვილი მარნეულის 69-ე უბანზე მომხდარ შემთხვევას, კერძოდ, სოციალურ ქსელში გავრცელებულ ვიდეოს, სადაც ჩანს, პირი როგორ ყრის რამდენიმე ბიულეტენს საარჩევნო ყუთში.
"სირცხვილია, სირცხვილია და ამორალურია ეთნიკური უმცირესობის არჩევნების გასაყალბებლად გამოყენება“, - წერს სალომე ზურაბიშვილი სოციალურ ქსელში.
ცნობისთვის, მარნეულის 69-ე უბანზე, სადაც, არსებული ინფორმაციით, საარჩევნო ყუთში ბიულეტენები ჩაყარეს, კენჭისყრა შეჩერებულია.
"კენჭისყრა შეწყვეტილია, განკარგულება მიიღო საოლქო საარჩევნო კომისიამ, ინციდენტის გამო. რეაგირება არის ის, რომ კენჭისყრა შეწყვეტილია“,- განაცხადა ცესკო-ს წარმომადგენელმა, იაკობ ასანიძემ.
ფაქტს გამოეხმაურა ცესკო-ს თავმჯდომარე გიორგი კალანდარიშვილი. მან მარნეულის საოლქო საარჩევნო კომისიას მიმართა და მოსთხოვა, მარნეულის 69-ე უბანზე მომხდარი დარღვევის გამო, სათანადო გადაწყვეტილება მიეღოთ.
წაიკითხეთ ასევე: