15
მაისიდღის ზოგადი ასტროლოგიური პროგნოზი
სოციალური ქსელი მოიცვა პატიმარი გოგონას ვიდეომ, რომელიც პირდაპირ დეფილედან გაათავისუფლეს.
გუშინ პენიტენციურმა სამსახურმა გაავრცელა ინფორმაცია, რომ ქალმა მსჯავრდებულებმა ტანსაცმლის მოდელები და ხელნაკეთი აქსესუარები საკუთარი დიზაინით შექმნეს და საზოგადოებასა და ჟიურის წევრებს პროფესიონალ მოდელებთან ერთად, თავადაც წარუდგინეს.
განსაკუთრებულად ემოციური ღონისძიების ფინალი აღმოჩნდა. ჩვენების დასასრულს ცნობილი გახდა, რომ ერთ-ერთი მონაწილე მსჯავრდებული, "ამნისტიის შესახებ" კანონის საფუძველზე, პატიმრობიდან გათავისუფლდა.
როგორ ირკვევა გათავისუფლებული პატიმარი 20 წლის მარიკო ნოზაძეა. მას გათავისუფლებამდე 2 წელი ჰქონდა დარჩენილი. რის გამო იყო გოგონა პატიმრობაში, ამის შესახებ დეტალები უცნობია და ამაზე არც გათავისუფლებული მსჯავრდებული საუბრობს.
მარიკო ნოზაძე დღეს "პალიტრანიუსის" სტუმარი იყო.
"მადლობა ყველას, ციხის ადმინისტრაციას, ჩემს ოჯახს, რომელიც გვერდში მედგნენ. რთულია, როცა ოჯახს მსჯავრდებული ჰყავს, მისი რჩენა დიდ თანხას მოითხოვს, დედაჩემმა ბევრი იშრომა, რომ მე იქ არაფერი მომკლებოდა. ამის გამო დიდ მადლობას ვუხდი დედაჩემს.
სამომავლო გეგმები დიდი მაქვს. პენიტენციურ დაწესებულებაში შევისწავლე ვებ-დიზაინი. მინდა სამსახური ვიშოვო, ძალიან მჭირდება. თავისუფლება ძალიან დასაფასებელია. შეცდომებს ყველა ვუშვებთ, ამისგან დაზღვეული არავინაა, მთავარია პატიება ვისწავლოთ. ძალიან ვღელავ, როცა ამაზე ვსაუბრობ.
ქალბატონ ნათიას (გუშინდელი ღონისძიების ორგანიზატორი) ვეუბნებოდი, როცა ციხეში შეხვალთ, მეც შემიყოლოს, მენატრებიან ყველა. ყველას იგივეს განცდას ვუსურვებ, რაც მე განვიცადე. იმედია მსგავსი პროექტები კიდევ გაგრძელდება. ყველას წარმატებას და თავისუფლებას ვუსურვებ" - ამბობს ნოზაძე.
წაიკითხეთ ასევე:
თვალები ? კი თვალები ამბობენ სინანულს რაც ჩაიდინა, ვფიქრობ რომ ეს გოგონა თავის სიტყვას იტყვის ამ სფეროში.
ეს გოგო ნარკოტიკებს ყიდდა და თან ამ ამბავს ახალგაზრდა ბიჭი შეეწირა. ასე რომ ასე მარტივად არ არის დაისაჯოს თუ არა. ინანიებს კი ადამიანი თავის ჩადენილს? რომელ ტქვენგანს მოეწონება ტქვენს პატარა შვილს ნარკოტიკებს რომ მიაწვდის 18 წლის გოგო? გააბრუებს და მერე მიატოვებს??? მოგწონთ ეს?