მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
31 წლის ფეხბურთელი აუზში გარდაცვლილი იპოვეს - ბერძენი სპორტსმენის ტრაგედიის დეტალები: "მისი ბოლო თამაში ეროვნულ ნაკრებში საქართველოს წინააღმდეგ შედგა"
10:02 / 10-10-2024
ინგლისის საფეხბურთო კლუბის "შეფილდ იუნაიტედის" ყოფილი მცველი ჯორჯ ბალდოკი 31 წლის ასაკში გარდაიცვალა. საბერძნეთის ნაკრების ინგლისში დაბადებული ფეხბურთელი სამხრეთ ათენში, გლიფადას რაიონში, საკუთარ საცურაო აუზში გარდაცვლილი იპოვეს.
ბალდოკი ზაფხულში საბერძნეთის კლუბ "პანათინაიკოსში" გადავიდა, "შეფილდ იუნაიტედში" შვიდწლიანი კარიერის შემდეგ.
"ჩვენ შოკში ვართ, შოკში ვართ ჯორჯის დაკარგვით" – წერია "პანათინაიკოსის" განცხადებაში. "პანათინაიკოსის ოჯახი გლოვობს მის ნაადრევ სიკვდილს. ჩვენ მხარს ვუჭერთ ჯორჯ ბალდოკის ოჯახს და საყვარელ ადამიანებს".
"შეფილდ იუნაიტედმაც" მწუხარება გამოხატა მომხდარის გამო: "თავდამსხმელმა კლუბი ზაფხულში დატოვა, ბრამალ ლეინზე შვიდწლიანი კარიერის შემდეგ. ის ძალიან პოპულარული იყო როგორც გულშემატკივრებში, ისე პერსონალსა და თანაგუნდელებში, რომელთან ერთადაც თეთრ-წითელ მაისურს ატარებდა.“
ბალდოკმა "პანათინაიკოსისთვის" ოთხი მატჩი გამართა და კვირას "ოლიმპიაკოსთან" უგოლო ფრეში ითამაშა.
განცხადება გაავრცელა საბერძნეთის ნაკრებმაც:"ღრმა მწუხარებითა და ტკივილით საბერძნეთის ნაკრები და ფეხბურთის ფედერაცია ემშვიდობებიან ჯორჯ ბალდოკს.“
ბერძნული ნაკრების წევრები, რომლებიც ამჟამად ლონდონში არიან, ხუთშაბათს ინგლისთან მატჩის მოლოდინში, ვერ იჯერებენ ტრაგიკულ ამბავს. ბალდოკმა საბერძნეთის ნაკრებში 12 მატჩი გამართა, მისი ბოლო თამაში 2023 წლის მარტში საქართველოს წინააღმდეგ შედგა.
ბერძნული გუნდი UEFA-ს სთხოვს, რომ ინგლისთან მატჩის დროს მოთამაშეებმა შავი სამკლაურები გაიკეთონ და მატჩის წინ წუთიერი დუმილით პატივი მიაგონ გარდაცვლილ ფეხბურთელს.
ბალდოკს მისი ცოლი რამდენიმე საათის განმავლობაში ეძებდა, რადგან მასთან დაკავშირება ვერ შეძლო. სახლში, სადაც ბალდოკი ცხოვრობდა, მეპატრონე მივიდა და სწორედ მან იპოვა ფეხბურთელის ცხედარი საცურაო აუზში.
პოლიციის ინფორმაციით დანაშაულის ნიშნები არ არსებობს. გარდაცვალების მიზეზი უახლოეს დღეებში აუტოფსიით დადგინდება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ძალიან სამწუხარო და გულდასაწყვეტი ამბავია.ასეთი ახალგაზრდა არასდროს არ უნდა სტოვებდეს სიცოცხლეს.ნათელში იყოს საბრალო ბიჭი.