მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
TikTok-ს თინეიჯერების ფსიქიკური ჯანმრთელობის "დანგრევის" გამო უჩივიან - საგანგაშო დასკვნა პოპულარულ პლატფორმაზე
14:37 / 10-10-2024
აშშ-ს ათზე მეტმა შტატმა TikTok-ს უჩივლა, ბრალდებით, რომ სოციალური მედიის პლატფორმა ხელს უწყობს თინეიჯერებს შორის მენტალური ჯანმრთელობის კრიზისის გამოწვევას.
- 14 გენერალური პროკურორისგან შემდგარი ჯგუფი ამტკიცებს, რომ კომპანია ზოგიერთ ფუნქციას ბავშვების აპლიკაციაზე მისაჯაჭვად იყენებს და რომ მან საზოგადოება ხანგრძლივი გამოყენების უსაფრთხოების შესახებ განზრახ შეიყვანა შეცდომაში.
TikTok-მა სარჩელს "იმედგამაცრუებელი" უწოდა და განაცხადა, რომ მათი აზრით, ბევრი ბრალდება "არაზუსტი და შეცდომაში შემყვანია".
"TikTok-მა იცის, რომ პლატფორმის აკვიატებული გამოყენება და სხვა მავნე ეფექტები მილიონობით ამერიკელი ბავშვისა და თინეიჯერის ფსიქიკურ ჯანმრთელობას ანადგურებს," - ნათქვამია სარჩელში.
- ნიუ-იორკის გენერალურმა პროკურორმა, ლეტიცია ჯეიმსმა განაცხადა, რომ მთელი ქვეყნის მასშტაბით ახალგაზრდები TikTok-ის "გამოწვევების" შესრულებისას დაიღუპნენ ან დაშავდნენ, სხვები კი "TikTok-ზე დამოკიდებულების გამომწვევი ფუნქციების გამო უფრო სევდიანები, შფოთიანები და დეპრესიულები არიან".
სარჩელში გამოყოფილია გარკვეული პრობლემური ფუნქციები: შეტყობინებები, რომლებიც ძილის რეჟიმს არღვევს; ვიდეოები, რომლებიც ქრება, რაც მომხმარებლებს აიძულებს, ხშირად შეამოწმონ პლატფორმა; და სილამაზის ფილტრები, რომლებიც მომხმარებლებს საშუალებას აძლევს, თავიანთი გარეგნობა გააუმჯობესონ.
სარჩელები 13-მა შტატმა ცალ-ცალკე შეიტანა, ხოლო კოლუმბიის ოლქში, გენერალურმა პროკურორმა კომპანია ასევე ულიცენზიო ფულადი გადარიცხვების ბიზნესის წარმოებაში დაადანაშაულა.
სარჩელი სასამართლოს სთხოვს, აუკრძალოს TikTok-ს ასეთი ქმედება და ასევე, ითხოვს კომპანიისთვის ფინანსური სანქციების დაწესებას.
ახალგაზრდების ფსიქიკურ ჯანმრთელობაზე მათი ზეგავლენის გამო, მარეგულირებლებმა მსგავსი საქმეები Facebook-ისა და Instagram-ის წინააღმდეგაც აღძრეს.
როგორც იმრან აჰმედმა, არაკომერციული ორგანიზაციის, Center for Countering Digital Hate-ის აღმასრულებელმა დირექტორმა განაცხადა, ის იმედოვნებს, სამართლებრივი ქმედება პლატფორმების რისკების შესახებ მშობლების ცნობიერებას გაზრდის და ზეწოლას მოახდენს კომპანიებზე, რათა მათ თავიანთი პრაქტიკა შეცვალონ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
