"ეს უსამართლობაა იმ გოგონებისთვის, ვისაც მდიდარი მშობლები არ ჰყავს" - რატომ აკრიტიკებენ ნიკოლ კიდმანისა და კიტ ურბანის ქალიშვილს, რომელიც მოდის ინდუსტრიას იპყრობს (ფოტო)
ნიკოლ კიდმანისა და კიტ ურბანის ქალიშვილი მოდის ინდუსტრიას იპყრობს - რატომ გააკრიტიკეს 16 წლის სანდი როუზის დებიუტი?
ჰოლივუდის ვარსკვლავის, ნიკოლ კიდმანისა და ასევე ვარსკვლავის, ქანთრი მომღერლის - კიტ ურბანის ქალიშვილის სანდი როუზ კიდმან-ურბანის დებიუტი პარიზის მოდის კვირეულზე შედგა.
16 წლის სანდი როუზმა Miu Miu-ს ქალის 2025 წლის გაზაფხული-ზაფხულის კოლექცია წარადგინა. მოზარდი თეთრ კაბაში იყო გამოწყობილი.
მიუხედავად იმისა, რომ მისმა ვარსკვლავმა მშობლებმა - 57 წლის ნიკოლ კიდმანმა და კიტ ურბანმა ქალიშვილს მხარი დაუჭირეს და განაცხადეს, რომ ამაყობენ, საზოგადოების ნაწილმა მოზარდი გააკრიტიკა.
"სჯობს ხატვა, ან სხვა რამ სცადო...
ეს უსამართლობაა იმ გოგონებისთვის, ვისაც მდიდარი მშობლები არ ჰყავს...
ისე მოძრაობს, თითქოს "ბრძოლა წესების მატჩზე" გამოდის" - წერენ სოციალური ქსელის მომხმარებლები სანდი როუზის შესახებ.
56 წლის ქანთრი მომღერალმა, კიტ ურბანმა განაცხადა, რომ ამაყობს მისი შვილით, თუმცა სურს, რომ აგრესიისგან დაიცვას.
"იმედია, შევძლებთ დავეხმაროთ მას წონასწორობის შენარჩუნებაში. ეს ყველაფერი გამოწვევაა - ბავშვების აღზრდა არის გამოწვევა. ვფიქრობ, მთავარია შევინარჩუნოთ ბალანსი,“ - განაცხადა მომღერალმა.
იხილეთ ასევე:
- ბუნებრიობა მოდაში ბრუნდება - 57 წლის პამელა ანდერსონი კინოფესტივალზე მაკიაჟის გარეშე გამოცხადდა: "სიბერე ერთგვარი მოგზაურობაა. მირჩევნია, ჩემი ნაოჭები გამოვაჩინო"
- ღვინო, ქალები... და სისხლის ზღვა, ანუ სიმართლე ნერონის გასართობ სასახლეზე