თბილისის რამდენიმე სკოლაში ევაკუაცია გამოცხადდა - ერთ-ერთი ვერსიით, მიზეზი 112-ში შესული შეტყობინებაა: რა დეტალები ხდება ცნობილი
თბილისის რამდენიმე სკოლაში ევაკუაცია გამოცხადდა.
გავრცელებული ინფორმაციით, მიზეზი 112-ში შესული შეტყობინებაა, რომლის მიხედვითაც სასწავლო დაწესებულებებში სავარაუდოდ, ასაფეთქებელი მოწყობილობების არსებობაა.
სკოლებში მობილიზებულია პოლიცია. მედიის ინფორმაციით, ევაკუაცია გამოცხადდა თბილისის 41-ე, “ევროპულ სკოლაში“ და ქართულ-უკრაინულ დაწესებულებებში.
აღნიშნულ ლოკაციებზე სასწავლო პროცესი შეწყდა.
სამართალდამცველებმა უსაფრთხოების განსაკუთრებული ზომები მიიღეს. არსებული ინფორმაციით, ამ წუთებში სკოლების შიდა სივრცეში მუშაობენ გამნაღმველები და სამართალდამცველები.
“ჩაირთო სიგნალიზაცია და გამოცხადდა ევაკუაცია. ბავშვები მიგვყავს სახლში. სკოლა დაცლილია“, - აცხადებს ერთ-ერთი ევაკუირებული სკოლის მშობელი “მთავარ არხთან“.
შსს -ს ოფიციალური ინფორმაცია ამ დრომდე არ გაუვრცელებია.
იხილეთ ასევე: