მნიშვნელოვანი ინფორმაცია
21
მარტიდღის ზოგადი ასტროლოგიური პროგნოზი
პარასკევი, მთვარის ოცდამეორე დღე დაიწყება 03:43-ზე, მთვარე მშვილდოსანშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პულსი არ მესინჯებოდა... მოვკვდი. რაც გამოვცადე, ეს იყო სიცარიელე, სრულიად არაფერი..." - ალ პაჩინოს თქმით, კოვიდის დროს თითქმის გარდაიცვალა
12:27 / 07-10-2024
ალ პაჩინომ გაამხილა, რომ 2020 წელს კოვიდ-19-ისგან კინაღამ მოკვდა. მისი თქმით, რამდენიმე წუთის განმავლობაში "პულსი არ ჰქონდა" .
New York Times-სა და People-თან ინტერვიუებში, რომლებიც უქმეებზე გამოქვეყნდა, "ნათლიასა" და "ნაიარევი სახის" 84 წლის მსახიობმა დეტალურად აღწერა როგორ მძიმედ გადაიტანა ვირუსი. ალ პაჩინოს კორონავირუსი 2020 წელს დაუდასტურდა, მანამ, ვიდრე ვაქცინები იქნებოდა ხელმისაწვდომი.
"თქვეს, რომ პულსი გამიქრა. ასე იყო - აქ ხარ, უცებ კი არ ხარ. გავიფიქრე: ვაუ, მოგონებებიც კი აღარ გაქვს. შენ არაფერი გაქვს," - უთხრა პაჩინომ NYT-ს.
მსახიობმა თქვა, რომ "თავს ცუდად კი არა, უჩვეულოდ ცუდად გრძნობდა" და გაიხსენა, რომ გონების დაკარგვამდე სიცხე და დეჰიდრატაცია ჰქონდა.
სასწრაფო დახმარება მოვიდა და როცა პაჩინო გამოფხიზლდა, სამედიცინო გუნდი თავის სასტუმრო ოთახში დაინახა, მათ შორის: ექვსი პარამედიკოსი და ორი ექიმი. "ისეთი კოსტიუმები ეცვათ, თითქოს კოსმოსიდან იყვნენ ან რაღაც ასეთი... თვალის გახელა და ამის დანახვა შოკისმომგვრელი იყო. ყველა ჩემს გარშემო იყო და თქვეს, "ის დაბრუნდა. აქ არისო..." - გაიხსენა ლეგენდარულმა მსახიობმა.
ოსკარის მფლობელმა NYT-სთან აღნიშნა, რომ ის თითქმის მოკვდა, თუმცა "არ უნახავს თეთრი შუქი ან რამე მსგავსი" და რომ "იქ არაფერია" სიკვდილის შემდეგ, მისი თქმით, ამ გამოცდილებამ მასში გარკვეული ეგზისტენციალური რეფლექსია გამოიწვია.
"როგორც ჰამლეტი ამბობს, "ყოფნა - არყოფნა" - სიკვდილი აღმოუჩენელი ქვეყანაა, რომლის საზღვრებიდანაც არცერთი მოგზაური არ ბრუნდება... რაც გამოვცადე, ეს იყო სიცარიელე, სრულიად არაფერი..."
როდესაც People-მა ჰკითხა, შეცვალა თუ არა სიკვდილთან მისმა შეხებამ ის, თუ როგორ ცხოვრობს, ლეგენდარულმა მსახიობმა უპასუხა: "საერთოდ არა."
პაჩინო დეტალურად აღწერს ამ გამოცდილებას თავის მომავალ მემუარებში, Sunny Boy. მისი უახლესი ფილმის "Modì, Three Days on the Wing of Madness" პრემიერა სან-სებასტიანის 72-ე კინოფესტივალზე გასულ კვირას შედგა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
