"დარწმუნებული ვარ, რომ ქართველი ხალხი სწორ არჩევანს გააკეთებს" - სერგეი ნარიშკინი
რუსეთის საგარეო დაზვერვის სამსახურის ხელმძღვანელმა სერგეი ნარიშკინმა ბაქოში ჟურნალისტებთან საუბარში კიდევ ერთხელ განაცხადა, რომ აშშ ცდილობს გავლენა მოახდინოს საქართველოში საპარლამენტო არჩევნებზე, რომელიც 26 ოქტომბერს გაიმართება.
მისი თქმით, ევროპის უსაფრთხოებისა და თანამშრომლობის ორგანიზაციის დემოკრატიული ინსტიტუტებისა და ადამიანის უფლებათა ოფისმა,"ამერიკის შეერთებული შტატების სახელმწიფო დეპარტამენტის მოთხოვნით“, მოამზადა შუალედური ანგარიში, სადაც საუბარია, რომ თითქოს, საქართველოში არ არსებობს პირობები სამართლიანი და ღია არჩევნებისთვის“.
ნარიშკინის თქმით, - "ეს, რა თქმა უნდა, არ შეესაბამება რეალობას".
"დარწმუნებული ვარ, რომ ქართველი ხალხი სწორ არჩევანს გააკეთებს", - ამბობს რუსეთის საგარეო დაზვერვის სამსახურის ხელმძღვანელი.