მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“ავღანეთში ციყვს უფრო მეტი უფლებები აქვს, ვიდრე ქალს!“ - მერილ სტრიპის შთამბეჭდავი გამოსვლა გაეროს გენერალურ ასამბლეაზე
15:38 / 26-09-2024
მსახიობმა და აქტივისტმა მერილ სტრიპმა გაეროს გენერალური ასამბლეის სხდომაზე, ქალთა უფლებების მხრივ, ავღანეთში არსებული მდგომარეობა გააკრიტიკა. მისი თქმით, ავღანეთში კატებს, ციყვებსა და ფრინველებს უფრო მეტი უფლებები აქვთ, ვიდრე ქალებს.
- ”კატამ შეიძლება იგრძნოს მზე მის სახეზე, შეუძლია ციყვს პარკში გამოედევნოს... ჩიტს შეუძლია იჭიკჭიკოს ქაბულში, მაგრამ არა ქალს. ქალს თითქმის არაფრის უფლება არ აქვს, წარმოუდგენელია. ეს არის ბუნების კანონების უგულებელყოფა“, - განაცხადა სტრიპმა.
მერილ სტრიპი გაეროს პრესკონფერენციას - “ქალების ჩართულობა ავღანეთის მომავლისთვის“, 23 სექტემბერს დაესწრო და ქვეყანაში არსებული ვითარება კრიტიკულად შეაფასა.
აღსანიშნავია, რომ ხელისუფლებაში მოსვლის შემდეგ, თალიბებმა თანდათან გაამკაცრეს შეზღუდვები ქალებსა და გოგოებზე.
“გენდერის წაშლა"
როგორც მერილ სტრიპმა CNN-ის კორესპონდენტს, კრისტიან ამანპურს განუცხადა, ის ავღანელი ქალებისა და გოგონების სახელით ლაპარაკობს, რადგან თალიბანის ქმედებები “მთლიანი გენდერის წაშლას ჰგავს“.
ცოტა ხნის წინ თალიბანმა ავღანეთში ახალი კანონები მიიღო, რაც, მათი თქმით, მიზნად ისახავს "სათნოების ხელშეწყობას და მანკიერების აღმოფხვრას". სხვა საკითხებთან ერთად, ამიერიდან ქალებს ეკრძალებათ საჯაროდ ხმამაღლა ლაპარაკი და სახლის გარეთ საკუთარი სახის ჩვენება.
გაერთიანებული ერების ორგანიზაციამ დაგმო ახალი ე.წ. მანკიერებისა და სათნოების შეზღუდვები და შეშფოთება გამოთქვა მათი მიღების გამო.
კანონი თალიბანის უზენაესმა ლიდერმა ჰაიბათულა ახუნძადამ დაამტკიცა.
მორალის სამინისტრომ, რომელიც ოფიციალურად ცნობილია, როგორც სათნოების ხელშეწყობისა და მანკიერების აღკვეთის სამინისტრო, ხაზგასმით აღნიშნა, რომ ქვეყანაში არავინ არ არის თავისუფალი ამ კანონებისგან.
კანონის ნაკრები Mohtasabeen-ს (თალიბანის ზნეობის პოლიცია) საშუალებას აძლევს ჩაერიოს ავღანელების საზოგადოებრივ ცხოვრებაში - დაწყებული იმით, თუ რა აცვიათ და როგორ ჩნდებიან საჯარო ადგილებში, რას ჭამენ და სვამენ მოქალაქეები.
ახალ შეზღუდვებში ნათქვამია: "როდესაც ზრდასრული ქალი ტოვებს სახლს აუცილებლობის გამო, მან უნდა დამალოს ხმა, სახე და სხეული“.
რას ამბობს კანონი ქალებზე?
კანონში ნათქვამია, რომ ქალებმა უნდა დაიფარონ მთელი სხეული, მათ შორის სახე, "რათა არ აცდუნონ კაცები და მანკიერებაში არ ჩააგდონ “:
ქალებმა ასევე არ უნდა იმღერონ და ხმამაღლა არ უნდა ისაუბრონ, ისე, რომ მათი ხმა ქუჩამდე აღწევდეს, მაშინაც კი, როცა საკუთარ სახლში არიან.
ქალის ტანსაცმელი არ უნდა იყოს თხელი, მოკლე ან მჭიდრო.
ქალებმა უნდა დამალონ თავიანთი სხეული და სახე კაცებისგან, რომლებთანაც სისხლით ან ქორწინებით ნათესავები არ არიან.
კაცებს ეკრძალებათ ქალის სხეულისა და სახის ყურება, ქალებს ასევე ეკრძალებათ კაცისთვის შეხედვა.
იხილეთ ასევე:
- თალიბანი უმძიმეს შეზღუდვებს აწესებს: ამიერიდან ქალებს ეკრძალებათ საჯაროდ ხმამაღლა ლაპარაკი და სახლის გარეთ საკუთარი სახის ჩვენება: კიდევ რას გააკონტროლებენ მოჰტასაბინები?
- "ვოცნებობდი, ვყოფილიყავი ნებისმიერი - ოღონდ არა ქალი, ოღონდ არა ავღანელი“ - რა არის ბაჩა-პოში: ვაჟად "გადაკეთებული" გოგონები და ფულის სანაცვლოდ გათხოვილი ბავშვები
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
