სენეგალის სანაპიროზე ნავი გამოირიყა, რომელზეც 30 ცხედარი ნახეს - უმძიმესი ამბის რა დეტალები ხდება ცნობილი?

აფრიკაში, სენეგალის სანაპიროზე გამოირიყა ნავი, სადაც 30 ადამიანის ხრწნამდე მისული ცხედარი აღმოაჩინეს. ადგილობრივი სამხედრო საზღვაო ძალების ინფორმაციით, ფაქტი დედაქალაქ დაკარიდან დაახლოებით 70 კილომეტრში მოხდა.

"აღდგენის, იდენტიფიკაციისა და ამოცნობის ოპერაციები, ცხედრების მდგომარეობის გამო, უკიდურესად დელიკატურად მიმდინარეობს“, - ნათქვამია განცხადებაში.

BBC-ის ინფორმაციით, მიგრანტების რაოდენობა, რომლებიც სენეგალიდან ესპანეთის კანარის კუნძულებზე მიემგზავრებიან, ბოლო დროს გაიზარდა. მათ ატლანტის ოკეანის გავლით 1500 კმ-ზე მეტი მანძილის გავლა უწევთ.

არის ვარაუდი, რომ ნავში აღმოჩენილი ცხედრები ატლანტის ოკეანეში მყოფი მიგრანტები არიან. სავარაუდოდ, ვიდრე მეთევზეები მათ აღმოაჩენდნენ, ოკეანეში მრავალი დღის განმავლობაში იმყოფებოდნენ.

აღნიშნულთან დაკავშირებით მიმდინარეობს გამოძიება.