მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დრონებით თავდასხმა რუსეთის 5 ოლქზე: ქალაქ ტოროპეცში, საბრძოლო მასალების საწყობში დიდი ხანძარი, დაწყებულია ქალაქის ევაკუაცია - რა ხდება ცნობილი?
10:51 / 18-09-2024
გასული ღამე მძიმე გამოდგა რუსეთი საჰაერო თავდაცვის სისტემებისთვის.
რუსეთის თავდაცვის სამინისტროს განცხადებით, ქვეყნის სხვადასხვა ოლქში 54 დრონი ჩამოაგდეს.
"საჰაერო თავდაცვის მორიგე სისტემებმა 54 უკრაინული უპილოტო საფრენი აპარატი გაანადგურეს“, - აცხადებს უწყება.
მათივე ცნობით, 27 დრონი კურსკის ოლქის თავზე, 16 - ბრიანსკის ოლქის, 7 - სმოლენსკის, 3 - ბელგოროდისა და 1 ორიოლის ოლქის ტერიტორიებზე ჩამოაგდეს.
გუბერნატორი ვიაჩესლავ გლადკოვი იუწყება, რომ ბელგოროდის რეგიონის სასაზღვრო ქალაქ შებეკინოში უპილოტო თვითმფრინავის თავდასხმის შედეგად ოთხი მშვიდობიანი მოქალაქე დაშავდა. მისივე თქმით, დრონი სამსახურებრივ ავტობუსს შეეჯახა.
"ერთ ქალს ჭრილობები ხელებზე აქვს, მეორეს კი ხელებსა და ფეხებზე“, - წერს ის "ტელეგრამში“. მისივე თქმით, ასევე დაიჭრა ორი მამაკაცი.
უკრაინული მხარე ამ განცხადებაზე კომენტარს არ აკეთებს.
რუსეთის სმოლენსკის ოლქის გუბერნატორმა ოთხშაბათს დილით გამოაცხადა, რომ საჰაერო თავდაცვის სისტემამ 9 დრონის ჩამოგდება შეძლო, ბრიანსკის ოლქის გუბერნატორ ალექსანდრე ბოგომაზის თქმით კი, რეგიონის თავზე მფრინავი 14 უკრაინული უპილოტო საფრენი აპარატი გაანადგურეს.
გამთენიისას ძლიერი აფეთქებების ხმა ისმოდა რუსეთის ტვერის ოლქის ქალაქ ტოროპეცში. რეგიონის ხელისუფლებამ განაცხადა, რომ საჰაერო თავდაცვის სისტემა უკრაინული უპილოტო საფრენი აპარატების შეტევას კარგა ხნის განმავლობაში იგერიებდა.
ადგილობრივი დროით 05:00 საათისთვის ოლქის გუბერნატორ იგორ რუდენიას პრესსამსახურმა გაავრცელა ცნობა, რომ მოგერიებული დრონების ნამსხვრევების ჩამოცვენამ ხანძარი გამოიწვია. თუ სად, ეს არ დაუკონკრეტებია.
რუსული და უკრაინული "ტელეგრამარხების" ინფორმაციით, ტოროპეცში დრონებით თავს საბრძოლო მასალების საწყობს დაესხნენ.
რუსეთის სახელმწიფო საინფორმაციო სააგენტოების ცნობით, ტვერის ოლქის გუბერნატორის გადაწყვეტილებით, რაიონიდან, სადაც ხანძარს აქრობენ, მოსახლეობის სრული ევაკუაცია დაიწყეს მეზობელ ქალაქ დასავლეთ დვინაში. თავად დვინაში კი დაიხურა სკოლები და საბავშვო ბაღები.
"ძვირფასო ტოროპეცელებო. ქალაქში ორგანიზებული ევაკუაცია მიმდინარეობს. სიტუაცია კონტროლს ექვემდებარება. რაიონის ადმინისტრაცია მოუწოდებს მოსახლეობას, არ გამოაქვეყნონ კადრები უპილოტო საფრენი აპარატის ჩამოვარდნის ადგილიდან, ზოგადი უსაფრთხოების მიზნით!” - ვკითხულობთ ტოროპეცის მუნიციპალიტეტის ადმინისტრაციის გვერდზე.
ტვერის ოლქი რუსეთის ცენტრალურ ნაწილში მდებარეობს და უკრაინას არ ესაზღვრება. ქალაქში 13 ათასამდე ადამიანი ცხოვრობს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
