"ძალიან მინდა დედა გავხდე, მაგრამ შვილის გაჩენა არ შემიძლია" - სელენა გომესის მტკივნეული აღიარება და არაერთი ავადმყოფობა, რასაც მომღერალი ებრძვის
სელენა გომესმა განაცხადა, რომ საკუთარი შვილების ბუნებრივად გაჩენას ვერ შეძლებს. 32 წლის მომღერალი და მსახიობი ამ თემაზე Vanity Fair-ის ინტერვიუში ისაუბრა.
მისი თქმით, იმის გაგება, რომ უსაფრთხო ორსულობა მისთვის შეუძლებელია, არის ის, რის გამო "გლოვაც" მას გარკვეული პერიოდის განმავლობაში მოუწია.
"ეს არასდროს მითქვამს, მაგრამ სამწუხაროდ, შვილის გაჩენა არ შემიძლია... მაქვს ბევრი სამედიცინო პრობლემა, რომელიც ჩემსა და ბავშვის სიცოცხლეს საფრთხეს შეუქმნის. ეს იყო ის, რის გამოც გარკვეული დროის განმავლობაში ვიყავი დამწუხრებული“, - - განუცხადა მან გამოცემას.
გომესი აქამდე ღიად საუბრობდა მგლურას დიაგნოზზე, ავტოიმუნურ დაავადებაზე, რომელიც განუკურნებელია და რომლის დროსაც სხეულის იმუნური სისტემა ჰიპერაქტიურდება და ნორმალურ ქსოვილებს ებრძვის. სიმპტომების მართვა მედიკამენტებითაა შესაძლებელი. 2017 წელს, მან განაცხადა, რომ მგლურასთან დაკავშირებული თირკმლის გადანერგვა დასჭირდა.
მომღერალი ასევე ღიად ლაპარაკობს ბიპოლარული აშლილობის შესახებ, რაზეც დეტალურად დოკუმენტური ფილმი My Mind and Me გვიამბობს. 2022 წელს გომესმა Rolling Stone-ს უთხრა, რომ შესაძლოა, უსაფრთხო ორსულობა ვერ შეძლოს იმ მედიკამენტების გამო, რომელსაც ბიპოლარული აშლილობის სამკურნალოდ იღებს.
Vanity Fair-ის ინტერვიუში გომესმა განაცხადა, რომ მას ბავშვების ყოლა სურს და სუროგაციას ან შვილის აყვანას განიხილავს. (გომესის დედა, მენდი ტიფი, ასევე აყვანილია - რაც გომესის თქმით, რისთვსაც მისი ოჯახი ბედის მადლიერია).
"ეს აუცილებლად ისეთი არ იქნება, როგორც წარმოვიდგენდი, რომ ბავშვები მეყოლებოდა. მეგონა, ყველაფერი ისე მოხდებოდა, როგორც ყველას შემთხვევაში, მაგრამ ახლა ბევრად უკეთესად ვგრძნობ თავს. მადლიერი ვარ იმით, რომ არიან შესანიშნავი ადამიანები, რომლებიც სუროგაციის ან შვილად აყვანის პროცესისთვის გამოთქვამენ მზადყოფნას, რაც ჩემთვისაც დიდი შესაძლებლობაა, - - თქვა მან.
ეს მაგრძნობინებს დიდ მადლიერებას ალტერნატიული საშუალებების მიმართ, რომლებსაც ის ადამიანები მიმართავენ, ვისაც დედობა ძალიან სურს. მეც ერთ-ერთი მათგანი ვარ. მოხარული ვარ იმის გამო, თუ როგორ გამოიყურება ეს გზა, თუმცა ის ცოტა განსხვავებული იქნება. საბოლოო ჯამში, მნიშვნელობა არ აქვს. ის ჩემი იქნება. ის ჩემი შვილი იქნება“, - დაამატა გომესმა.
გომესი ამჟამად მუსიკალურ პროდიუსერ ბენი ბლანკოსთან არის სასიყვარულო ურთიერთობაში.