მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“ირაკლი ეძგვერაძეზე განხორციელდა ძალადობა, მას სისხლნაჟღენთები და ჩალურჯებები ეტყობა - როგორც ამბობს, მასზე იძალადეს ავტოფარეხში“ - ადვოკატი
11:51 / 05-09-2024
“აუცილებელია სწრაფი ექსპერტიზა ჩატარდეს, კაციტაძის უწყებამ ეს ყველაფერი უნდა გამოიძიოს და სახალხო დამცველს მოვუწოდებ მოვიდეს, რადგან პოლიტიკურ ლიდერზე თავდასხმა მოხდა“, - ამის შესახებ საკრებულოს წევრის ირაკლი ეძგვერაძის ადვოკატმა, ლაშა ტყეშელაძემ განაცხადა.
მისი შეფასებით, სამოქალაქო ფორმაში ჩაცმულა პოლიციის თანამშრომელმა სისხლის სამართლის დანაშაული ჩაიდინა.
“ჩვენ ვნახეთ, ცეცხლსასროლი იარაღებით, სამოქალაქო ტანსაცმელში ჩაცმულმა როგორ იძალადა ირაკლი ეძგვერაძეზე, რომელიც თბილისის საკრებულოს წევრია და ასევე გლდანის შტაბის ხელმძღვანელი. მასზე განხორციელდა ძალადობა და როცა მე ის მოვინახულე მას სისხლნაჟღენთები, ჩალურჯებები ეტყობა. როგორც ის ამბობს, მასზე იძალადეს ავტოფარეხში.
მას სახლში შეუვარდნენ. ადვოკატს არ მომცეს საშუალება, რომ მის დაკავებას დავსწრებოდი ან მცოდნოდა სად გადაიყვანეს, ეს კანონდარღვევაა. მოვუწოდებ კოკა კაციტაძის უწყებას, რაც შეეძლება მალე გამოგზავნოს გამომძიებლები და გამოიძიონ პოლიციელების არაკანონიერი ქმედება, მათ სისხლის სამართლის დანაშაული ჩაიდინეს - უფლებამოსილების გადამეტება.
ჩვენ ვიცით, როგორ ძალადობენ პოლიტიკური თანამდებობის პირებზე, მაგრამ არცერთი საქმე კაციტაძის უწყებას არ გამოუძიებია და არც ახლა გვაქვს იმედი.
კადრებში ჩანს თუ როგორ აყენებს შეურაცხყოფას ირაკლი ეძგვერაძეს პოლიციის თანამშრომელი, შემდეგ როგორ აკავებს და როგორ შეიყვანს ავტოფარეხში. ირაკლი ეძგვერაძე დააკავეს პოლიტიკური მოტივებით. აუცილებელი სწრაფი ექსპერტიზა ჩატარდეს, კაციტაძის უწყებამ ეს ყველაფერი უნდა გამოიძიოს და სახალხო დამცველს მოვუწოდებ მოვიდეს, რადგან პოლიტიკურ ლიდერზე თავდასხმა მოხდა. ამ ეტაპზე სახელები და გვარები უცნობია, მაგრამ კადრებში ჩანს თუ ვინ იძალადა მასზე“, - განაცხადა ლაშა ტყეშელაძემ.
ცნობისთვის, “ნაციონალური მოძრაობიდან“ საკრებულოს წევრები ირაკლი ეძგვერაძე და ირაკლი ნადირაძე შსს-მ ადმინისტრაციული წესით გუშინ საღამოს დააკავა. მანამდე, ირაკლი ეძგვერაძის სახლთან ხმაური იყო.
როგორც შსს-ში განმარტეს, ცენტრალური კრიმინალური პოლიციის თანამშრომლები ასრულებდნენ სამსახურებრივ მოვალეობას, "კერძოდ საგამოძიებო მოქმედებას ნარკოდანაშაულთან დაკავშირებით, რა დროსაც მათ სამსახურებრივი მოვალეობის შესრულებაში ხელი შეუშალა მოქალაქე ირაკლი ეძგვერაძემ, რომელსაც არანაირი შეხება არ ჰქონდა საგამოძიებო მოქმედებასთან“.
“ირაკლი ეძგვერაძე დაკავებულია ადმინისტრაციულ სამართალდარღვევათა კოდექსის 166-ე და 173-ე მუხლების შესაბამისად”, - განაცხადეს უწყებაში.
მოგვიანებით, ირაკლი ნადირაძე ხელწერილის საფუძველზე გაათავისუფლეს, ირაკლი ეძგვერაძე კი, ამ დრომდე ადმინისტრაციულ პატიმრობაში რჩება.
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
