მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ფიქციური რომანი თუ რეალური სიყვარულის ისტორია - რა დოკუმენტი გასაჯაროვდა პოპ ვარსკვლავსა და სპორტსმენზე და რას ამბობენ მხარეები?
16:16 / 04-09-2024
როდესაც ტეილორ სვიფტმა და ტრევის კელსიმ დაადასტურეს, რომ ერთად იყვნენ, მომღერლის ფანებს სჯეროდათ, რომ მან თავისი "ერთადერთი" სიყვარული იპოვა.
ფაქტობრივად, ეს სასიყვარულო ისტორია ჰოლივუდურ ფილმს ჰგავს - პოპ ვარსკვლავი და სპორტსმენი, რომელთაც ერთმანეთი მთელი მსოფლიოს თვალწინ შეუყვარდათ.
თუმცა დღეს კელსის წარმომადგენლებს იმ ინფორმაციის უარყოფა უწევთ, თითქოს მათ თვის ბოლოს დაშორება ჰქონდათ დაგეგმილი. საქმე ის არის, რომ ინტერნეტში გაჟონა დოკუმენტმა, რომელიც, სავარაუდოდ, კელსის მიერ დაქირავებულ ამერიკულ პიარ კომპანიაში შეიქმნა.
საბუთი, რომელიც ლოს-ანჯელესში დაფუძნებული კომპანიის, Full Scope-ის სახელით იყო შედგენილი, წყვილის დაშორების სტრატეგიას შეიცავს და აცხადებს, რომ მათი ურთიერთობის დასრულების თარიღი 28 სექტემბერია.
ასევე აღნიშნულია, რომ დაშორების ოფიციალური განცხადება ამ თვის ბოლოს - დაშორებიდან სამი დღის შემდეგ გაკეთდება, რათა “მედიის პირველადი რეაქცია ჩაცხრეს და სიცხადე იქნას გარანტირებული”.
დოკუმენტში ხაზგასმულია, რომ დაშორებაზე განცხადება ყურადღებას გაამახვილებს ერთმანეთის მიმართ "მადლიერებასა და პატივისცემაზე."
განცხადების შინაარსზე საუბრისას, დოკუმენტში წერია:
"მაგალითი: ტრევისმა და ტეილორმა, ხანგრძლივი განხილვის შემდეგ, გადაწყვიტეს დაშორება. ორივე აფასებს და პატივს სცემს ერთმანეთის პირად ცხოვრებას და გთხოვთ, პატივი სცეთ მათ პირად სივრცეს. ორივე საკუთარი კარიერისა და პირადი განვითარების მიმართ ერთგული რჩება".
დოკუმენტში ასევე აღნიშნულია, რომ განცხადება უნდა ფოკუსირდეს კელსის "პირად ზრდაზე" და დაშორება ისე იქნება წარმოჩენილი, როგორც "ცხოვრების ბუნებრივი ნაწილი". ხაზგასმულია ასევე მისი პროფესიული მიღწევები სპორტის ინდუსტრიაში.
ასევე, დაგეგმილია განცხადების გაგზავნა დიდ მედიასაშუალებებში პრესრელიზით, რათა "ფართომასშტაბიანი გაშუქება“ მოხდეს.
თუმცა, დღეს Full Scope-ის წარმომადგენელმა უარჰყო ეს ინფორმაცია და აღნიშნა, რომ დოკუმენტი "ყალბია და არც შექმნილა, არც გავრცელებულა და არც ავტორიზებული ყოფილა სააგენტოს მიერ“.
Full Scope-მა ასევე განაცხადა, რომ მათ საქმეში იურისტები ჩართეს.
"დავუკავშირდით ჩვენს იურიდიულ გუნდს, რათა დავიწყოთ სამართლებრივი პროცესები იმ პირების ან ორგანიზაციების წინააღმდეგ, რომლებიც პასუხისმგებელნი არიან დოკუმენტის უკანონო და მავნე გაყალბებაზე“, - განაცხადეს კომპანიაში.
დოკუმენტი პირველად Reddit-ზე გავრცელდა და მას ინტერნეტმომხმარებლების ნაწილი არ ენდობა.
ერთმა მომხმარებელმა აღნიშნა, რომ ეს "საშუალო სკოლის დავალებას ჰგავს", ხოლო მეორე ვარაუდობდა, თითქოს ტექსტი ChatGPT-მ შექმნა.
ტეილორ სვიფტის წარმომადგენელმა კომენტარი არ გააკეთა, როცა მას წყვილის დაშორების შესახებ დაუსვეს შეკითხვა.
რაც შეეხება ამერიკული კომპანიიდან ტრევის კელსის წარმომადგენლებს, ისინი ჯეკ კეტოსიანი და პია მალიხი არიან. კეტოსიანმა აღიარა, რომ ადრე "შოუ-რომანების“, რა დროსაც ცნობილი ადამიანებმა PR მიზნებისთვის წყვილდებიან, ორგანიზებაში მონაწილეობდა.
2019 წელს, ავსტრალიურ პოდკასტში, Mamamia's The Quicky-ში, მან განაცხადა, რომ ფიქციური რომანები, როგორც წესი, იმ შემთხვევაში იქმნება, თუ რომელიმე მათგანს თავისი ფილმის ან რაიმე სხვა პროექტის პოპულარიზაცია სურს ან მის შესახებ არასასურველი ინფორმაციიდან ყურადღების გადატანას ისახავს მიზნად.
ხანგრძლივი სპეკულაციების შემდეგ, წყვილმა თავიანთი ურთიერთობა შარშან, 24 სექტემბერს გაასაჯაროვა, როდესაც ტეილორ სვიფტი კელსის მიწვევით Kansas City Chiefs-ის თამაშს დაესწრო.
სვიფტი ნიუ-იორკში კელსის სხვა თამაშსაც დაესწრო. ისინი ხშირად ხვდებოდნენ ერთმანეთს და სვიფტმა კელსის გუნდელებიც მალევე გაიცნო.
ამის შემდეგ წყვილი მსოფლიოს სხვადასხვა ქვეყანაში ერთად მოგზაურობდა, მათ შორის, კელსიმ ტეილორს ლონდონში, ტურნეზე ჩააკითხა.
მიმდინარე კვირის დასაწყისში ცნობილი გახდა, რომ ტეილორ სვიფტი NFL-ის მომავალი სეზონის სარეკლამო ვიდეოს მთავარი ფიგურა იქნება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
