მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ტელეგრამის" ანონიმური ჯგუფები და ბავშვთა პორნოგრაფია - სამხრეთ კორეა ხელოვნური ინტელექტის გამოყენებით, სექსუალური შინაარსის ყალბი ვიდეოების შექმნა-გავრცელებას ებრძვის
16:20 / 03-09-2024
გასულ შაბათს, სამხრეთ კორეელმა სტუდენტმა ჰიჯინმა “ტელეგრამზე” ანონიმური შეტყობინება მიიღო: "შენმა სურათებმა და პირადმა ინფორმაციამ გაჟონა. სალაპარაკო გვაქვს“. შეტყობინებას თან ერთვოდა მისი ძველი სურათი, და ასევე, ყალბი, სექსუალური ხასიათის ფოტო.
ჰიჯინი შეშინდა, მაგრამ ეს მხოლოდ დასაწყისი იყო. შემდეგ მას სექსუალურ სცენებში მისი სახის სხვის სხეულზე გადატანა დაემატა.
"ძალიან შემეშინდა, საშინლად მარტოდ ვიგრძენი თავი", - უთხრა ჰიჯინმა BBC-ს. თუმცა, აღმოჩნდა, რომ იგი მარტო სულაც არ იყო.
ორი დღით ადრე, სამხრეთ კორეელმა ჟურნალისტმა, კო ნარინმა თავისი კარიერის ყველაზე მნიშვნელოვანი რეპორტაჟი მოამზადა. მან გაარკვია, რომ ორ უნივერსიტეტში პოლიცია ყალბი პორნოგრაფიის ქსელებს იძიებდა. კომ “ტელეგრამზე” ათობით ჯგუფს მიაკვლია, სადაც ხელოვნური ინტელექტის გამოყენებით ქალების სურათებს ყალბ, ე.წ. Deepfake პორნოგრაფიად აქცევდნენ.
“ყოველწამიერად, ხალხი ნაცნობების ფოტოებს გზავნიდა და მათ სთხოვდა, ფოტოები სექსუალური შინაარსის ყალბი ვიდეოების შესაქმნელად გამოეყენებინათ”, - განაცხადა ჟურნალისტმა BBC-სთან.
კვლევის მიხედვით, ეს ჯგუფები არა მარტო უნივერსიტეტის სტუდენტებზე მუშაობდნენ, არამედ - მათი სამიზნეები დაწყებითი და საშუალო სკოლების მოსწავლეებიც იყვნენ.
სამთავრობო ორგანოები აცხადებენ, რომ ყალბი პორნოგრაფიის შემქმნელებისა და მომხმარებლებისთვის სასჯელს გაზრდიან. თუმცა, მთავრობას იმის გამო აკრიტიკებენ, რომ ბევრი დამნაშავე არასაკმარისად ისჯება, ამის მიზეზი კი ის არის, რომ მათი უმეტესობა თავადაც არასრულწლოვანია.
ჯგუფების გამოაშკარავების შემდეგ, რამდენიმე ჩატი დაიხურა, თუმცა მალევე ახლები გაჩნდა.
კო ნარინის მტკიცებით, ყველაზე თავზარდამცემი ის არის, რომ პროცესი უკიდურესად სისტემური და კარგად ორგანიზებულია. ]
“განსაკუთრებით საშინელი ერთი სკოლის არასრულწლოვანთა ჯგუფის აღმოჩენა იყო, რომელშიც 2000-ზე მეტი წევრი იყო გაერთიანებული”.
სეულის პოლიციის ეროვნულმა სააგენტომ ორშაბათს განაცხადა, რომ ბავშვების ყალბი პორნოგრაფიული ფოტოების გავრცელებისთვის ასპარეზის მიცემაში “ტელეგრამის” როლის მიმართ გამოძიებას დაიწყებს.
როგორც ცნობილია, “ტელეგრამის” დამფუძნებელს, პაველ დუროვს, საფრანგეთში წაუყენეს ბრალდება, რომ მისი აპლიკაციის დახმარებით პორნოგრაფიული მასალები ვრცელდება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
