მნიშვნელოვანი ინფორმაცია
22
მარტიდღის ზოგადი ასტროლოგიური პროგნოზი
შაბათი, მთვარის ოცდამესამე დღე დაიწყება 04:51-ზე, მთვარე მშვილდოსანშია
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ ხორციან კერძებს. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“მშობლებს ვურჩევ შვილებს შეუმოწმონ პირველი მალა, პრობლემების მთელი წყება კისრიდან მოდის“ - მკურნალობის უნიკალური მეთოდი და წლების შემდეგ გამქრალი ტკივილი: ატლასთერაპევტის ისტორია
15:36 / 01-09-2024
წლების მანძილზე ხერხემლის გაუსაძლისი ტკივილი აწუხებდა კი არა, ტანჯავდა. რა არ მოსინჯა, სად არ იყო, ვის არ მიმართა, რა მედიკამენტი არ დალია, თუმცა ტკივილს ბოლომდე ვერაფერი უხსნიდა.
ტკივილით დაღლილმა ექიმმა მერე ერთ უნიკალურ მეთოდს მიაგნო, რამაც, მისი თქმით, დაუძლეველი პრობლემა სამუდამოდ მოუგვარა და ტკივილი დაავიწყა.
ატლას-სპეციალისტი ფიზიოთერაპევტი და ნუტრიციოლოგი ია გორგილაძე Ambebi.ge -ს თავის გადარჩენის ამბავს უყვება.
- დაახლოებით 10 წლის ასაკში, ფიზკულტურის გაკვეთილზე უხერხული მოძრაობის გამო ხერხემალი დამიზიანდა. იმის შემდეგ ტკივილები კისრის, ზურგის, წელის არეში დამეწყო. რამდენადაც მახსოვს, ხერხემლის მსუბუქი გამრუდება მანამდეც მქონდა, მაგრამ მერე და მერე ყველაფერი უფრო გამძაფრდა. ტკივილი თავს არ მანებებდა, გამუდმებით მაწუხებდა. აფხაზეთიდან ვარ და მაშინ გაგრაში ვცხოვრობდით. მამამ სამკურნალოდ სად არ წამიყვანა. თან იმ პერიოდში სანატორიუმები მოწესრიგებული იყო და რეაბილიტაციის თემაც საკმაოდ კარგად დალაგებული, მაგრამ შედეგი არ მქონდა.
სწავლა სამედიცინო უნივერსიტეტში გავაგრძელე, სწავლის დროს დიდი დატვირთვა მქონდა, იქვე სამოყვარულო სპორტითაც ვიყავი დაკავებული, ვვარჯიშობდი, სადაც ხერხემალზე ტრავმა კიდევ მივიღე. უხერხული მოძრაობა გამომივიდა. შემდეგ გავთხოვდი და სამი შვილი გავაჩინე. ფიზიკური დატვირთვა ცხადია, ბავშვების გაზრდისას მომემატა - მათი ხელში აყვანა, ტარება მიწევდა. მომატებული ფიზიკური დატვირთვის ფონზე ტკივილმა უფრო მოიმატა.
- გამოდის, ბავშვობიდან მთელი წლები იმ ტკივილით ცხოვრობდით...
- მასაჟის პროცედურებით ვმკურნალობდი, რაც მდგომარეობას მხოლოდ დროებით მიმსუბუქებდა. ასევე სპეციალურ ვარჯიშებს ვიტარებდი. მოკლედ, რაღაც პერიოდი, ის ყველაფერი მშველოდა, მაგრამ პრობლემას საბოლოოდ არ აგვარებდა. ტკივილი მაინც მოდიოდა. შემდეგ ისეთ მდგომარეობამდე მივედი, თითქმის ყოველდღე გამაყუჩებლებზე ვიყავი. მტკიოდა მშვიდ მდგომარეობაშიც, ცხადია, მოძრაობაზე უფრო ძლიერდებოდა.
- როგორც ვიცი, დიდი წვალების და ტანჯვის შემდეგ გამოსავალი მაინც იპოვეთ, ხომ?
- ჩემს მეგობარს, რომელიც შვედეთში ცხოვრობს, ასევე პრობლემა ჰქონდა ხერხემალზე. 2013 წელს ერთ დღესაც დამირეკა და მითხრა, რომ მგონი, რაღაც მეთოდს მივაგენიო, რომლითაც ის და მისი მეუღლე მკურნალობას აპირებდნენ. თუ გვიშველა, შენც გეტყვითო, რადგან იცოდა, რომ პრობლემური ხერხემალი მქონდა. მათ ის პროცედურა ჩაიტარეს და ძალიან მალევე კარგი შედეგი ჰქონდათ.
შემდეგ მან მითხრა - გამოიკვლიე ეს ყველაფერი, თუ მოგეწონება და თანახმა იქნები, ჩამოხვალ და ამ პროცედურას შენც გაიკეთებო. გამოვიკვლიე, მომეწონა და რაღაც პერიოდის შემდეგ შვილთან ერთად (მასაც ხერხემლის გამრუდება ჰქონდა) ჩავფრინდი შვედეთში. ჩავიტარეთ აღნიშნული პროცედურა და შედეგ სწრაფად მივიღე. დაახლოებით ერთი თვის განმავლობაში ხერხემალზე ყველა ტკივილი, თუ რამე მაწუხებდა, მომეხსნა.
- პროცედურა რას მოიცავდა?
- ეს იყო 15-წუთიანი ატლას-თერაპია, რაც გულისხმობს პირველი მალის სწორ პოზიციაში დაბრუნებას. მისი ჩატარება იაფი არ ყოფილა, თან ცხოვრებაში ერთხელ კეთდება. თუ ადამიანს ტრავმა არ აქვს, ეს პროცედურა მეტი აღარ დასჭირდება. სერიოზული შვება ვიგრძენი, ტანდეგობა გამიუმჯობესდა, მხრებშიც უფრო გავიშალე. მე შვება სწრაფად ვიგრძენი, მაგრამ ეს პროცესი ძირითადად დროშია გაწელილი იმისთვის, რომ ცვლილებები მოხდეს.
- რას გულისხმობთ?
- იმას, რომ პროცედურის შემდეგ ორგანიზმი თვით რეაბილიტაციის პროცესს გადის. პირველ მალას აღმოაჩნდა ფუნქცია, საითაც მომართავ და გადაწევ, ხერხემლის მთელი სვეტი მერე იქით მიდის. მისი სწორ პოზიციაში ჩაყენების შემდეგ, რამდენადაც შესაძლებელია, სხეული რაღაც-რაღაცებს თვითონვე ასწორებს. მერე სურვილი გამოჩნდა ეს მეთოდი შემესწავლა საქართველოში დამენერგა. ამიტომ ატლას აკადემიას წერილი მივწერე, რომ მქონდა ამ მეთოდის სწავლის სურვილი. მიპასუხეს, რომ ამისთვის რაღაც ეტაპები იყო გასავლელი. ის ყველაფერი მოვაგვარე, შვეიცარიაში ჩავედი და მეთოდი ვისწავლე, რაშიც სოლიდურ თანხა გადავიხადე. საერთოდ აკადემია აკონტროლებს, ამ მეთოდით სარგებლობის უფლება ვის ვის აქვს. საერთოდ შვეიცარიული მეთოდია, რადგან მისი დამნერგავი შვეიცარიელი იყო. ასე რომ, მაქვს დიპლომი, კვალიფიკაცია და ამ მეთოდით სარგებლობის უფლება. 2014 წელს კი საქართველოში უკვე ამ მეთოდით ადამიანების მკურნალობა დავიწყე.
- ადამიანების დარწმუნება ადვილი იყო იმაში, რომ თქვენ მათ ხერხემლის პრობლემას მოუხსნიდით?
- არ იყო მარტივი. ადამიანებს ასეთი მიდგომა აქვთ - არასწორი ჯდომის გამო გვტკივა ხერხემალი, მაგრამ პირიქითაა - არასწორად იმიტომ ვსხედვართ, რომ ხერხემალი გვაქვს გამრუდებული. კუნთები გვტკივა იმიტომ, რომ გვაქვს გამრუდება. ზოგი კუნთი დაჭიმულია და ზოგი პირიქით, განუვითარებელი. დისკებიც იმიტომ ვარდება, რომ ხერხემალში არის ასიმეტრია. ამ დაავადებების მთელი კასკადია, რომელიც ნელ-ნელა ვითარდება. 40-45 წლის ასაკიდან უკვე უმრავლესობას ჩამოყალიბებული აქვს ოსტეოქონდროზი. ართროზი, მალთაშორის დისკების დისკოზები, თიაქარი, მთელი “თაიგულია“. ასეთი “თაიგულებით“ მოდიან ადამიანები იმიტომ, რომ თავის დროზე მათ არავინ გაუსწორა ატლასი. ეს თერაპია კი მკურნალობას მიზეზის მოგვარებით იწყებს. თავიდან მოწინააღმდეგეებიც გამომიჩდნენ, როგორც ხდება ხოლმე, მაგრამ გავუმკლავდით.
- ე.ი. 15-წუთიანი პროცედურაა და პრობლემა პირველი მალის გასწორებით გვარდება?
- პირველი მალის გასწორებით ვიწყებთ, რომ აღვადგინოთ ის დარღვეული სიმეტრია და ბალანსი, რომელიც პაციენტს აქვს. მნიშვნელოვანია ასევე ის, რა ეტაპზე მოგმართავს პაციენტი, თუ ახალგაზრდა ასაკში მოდის, შედეგები შესანიშნავია. გარდა ატლას-თერაპიისა, პრობლემის მიხედვით სჭირდებათ სხვადასხვა პროცედურა. გააჩნია პრობლემის ხარისხს და იმას, პროცესი როგორ წავა. პროცედურები ამის მიხედვით ინიშნება.
- რა რეკომენდაცია გექნებათ ზოგადად ადამიანებისთვის, ჩვენი მკითხველისთვის?
- პირველი რეკომენდაცია მექნება მშობლებისთვის. შვილებს შეუმოწმონ პირველი მალა და თუ ის არასწორ პოზიციაშია, გაუსწორონ. ეს იმისთვის, რომ შემდგომში ისინი სხვადასხვა პრობლემით არ დაიტანჯონ.
იმ პაციენტებს, რომელსაც უკვე აწუხებთ ზურგის, წელის ტკივილი, მათ შორის, შაკიკი, მკურნალობა პირველი მალის გასწორებით დაიწყონ. ერთი შეხედვით შეიძლება დაუჯერებელი იყოს, მაგრამ პრობლემების მთელი წყება კისრიდან მოდის. შაკიკური თავის ტკივილების დაახლოებით 95% კისრიდანაა გამოწვეული. თუ თვეში 2-ჯერ, ან მეტად გტკივათ თავი, ეს არ არის ნორმალური, რაც ყურადღებას მოითხოვს...
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
