მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კანადაში ნეკროფილი, სერიული მკვლელი გაასამართლეს - ქალების მკვლელობის შემაძრწუნებელი დეტალები
17:39 / 29-08-2024
კანადელ სერიული მკვლელს, ჯერემი სკიბიცკის 2022 წელს ვინიპეგში ოთხი ქალის მკვლელობისთვის, სამუდამო პატიმრობა მიესაჯა.
სვიბიცკის განაჩენის წაკითხვისას არანაირი რეაქცია არ გამოუხატია და მსხვერპლთა ოჯახის წევრების მიერ წარმოთქმულ სიტყვას უემოციოდ უსმენდა.
პროკურორებმა განაცხადეს, რომ 37 წლის სკიბიცკიმ 2022 წელს ოთხი ქალი რასობრივ ნიადაგზე განზრახ მოკლა.
მან თავი დამნაშავედ ფსიქიკური აშლილობის გამო არ ცნო.
მკვლელობებმა კანადის მოსახლეობაში, რომელიც დიდი ხანია, ქალთა მიმართ ძალადობის შემთხვევებს ებრძვის, შოკი გამოიწვია.
მსხვერპლები 39 წლის მორგან ჰარისი, 26 წლის მარსედეს მირანი და 24 წლის რებეკა კონტუა არიან. მეოთხე ქალის ვინაობა ჯერ დაუდგენელია.
სასამართლო დოკუმენტების თანახმად, სკიბიცკიმ ქალები 2022 წლის მარტიდან მაისამდე პერიოდში მოკლა და კონტუა, სავარაუდოდ, ბოლო მსხვერპლი იყო.
ის სულ მცირე, ორ მათგანს ვინიპეგის ადგილობრივ უსახლკაროთა თავშესაფრებში შეხვდა. ვინიპეგი მანიტობას პროვინციაში მდებარე ქალაქია და მისი მოსახლეობა 820 000 ადამიანს შეადგენს.
სასამართლომ მოისმინა, რომ სკიბიცკი ქალებზე ძალადობდა, ხელით ან წყალში ახრჩობდა, შემდეგ კი მათთან სექსუალურ აქტს ამყარებდა, ვიდრე მათ სხეულებს დაანაწევრებდა და ნაგვის ურნებში მოათავსებდა.
მკვლელობები თვეების განმავლობაში შეუმჩნეველი დარჩა, სანამ 2022 წლის მაისში კაცმა, რომელიც სკიბიცკის ბინასთან ურნაში ჯართს ეძებდა, ადამიანის ნეშტის ნაწილი არ იპოვა და პოლიციას არ დაუკავშირდა.
მკვლელმა პოლიცია შოკში ჩააგდო, როდესაც კონტუას მკვლელობაზე დაკითხვისას, კიდევ სამი მკვლელობა აღიარა.
სკიბიცკის ადვოკატებმა სცადეს, დაემტკიცებინათ, რომ მას თავისი ქმედებების სიმძიმე შიზოფრენიით გამოწვეული ჰალუცინაციების გამო არ ჰქონდა გაცნობიერებული. მათ განაცხადეს, რომ იგი ისმენდა ხმებს, რომლებიც ეუბნებოდნენ, რომ დანაშაულები მისი მისია იყო.
ის პირობით ვადამდე გათავისუფლებისთვის სულ მცირე 25 წლის განმავლობაში არ იქნება უფლებამოსილი, რა დროსაც დაახლოებით, 60 წლის იქნება.
"არაფერი შეგეშალოთ, ბატონო სკიბიცკი, ერთადერთი სასჯელი, რომლის დაკისრებაც დღეს შემიძლია, სამწუხაროდ, ამ დანაშაულების სიმძიმეს ადეკვატურად ვერ ასახავს", - განაცხადა მოსამართლე გლენ ჯოიალმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
