მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რუსეთმა უკრაინაზე მასობრივი შეტევა ჰაერიდან განახორციელა, ქვეყნის თითქმის მთელ ტერიტორიაზე საჰაერო განგაში ისმის - რა ხდებოდა ბოლო 24 საათში?
10:38 / 26-08-2024
“გვაქვს წინსვლა კურსკის ოლქში 1-დან 3 კილომეტრამდე, კონტროლი კიდევ ორ დასახლებულ პუნქტზე დავაწესეთ. უკრაინელი სამხედროები რუსეთის კურსკის ოლქის ტერიტორიაზე წინ მიიწევენ და მებრძოლებმა გაცვლითი ფონდის შევსებაც მოახერხეს“, - ამის შესახებ უკრაინის პრეზიდენტმა, ვოლოდიმირ ზელენსკიმ უკრაინის შეიარაღებული ძალების სამხედრო მიღწევების შესახებ საუბრისას განაცხადა.
კონკრეტულად რომელ დასახლებებზეა საუბარი, ამ დრომდე ინფორმაცია არ ვრცელდება.
მისი თქმით, კვირას რუსები თავს დაესხნენ სუმის, ხარკოვის, ხერსონისა და დონეცკის ოლქებს. მან კომენტარი გააკეთა განხორციელებულ სარაკეტო თავდასხმაზეც, რომელიც განხორციელდა კრამატორსკში მდებარე სასტუმროზე, სადაც საინფორმაციო სააგენტო Reuters-ის გადამღები ჯგუფი იმყოფებოდა.
“უკრაინის, ამერიკისა და ბრიტანეთის მოქალაქეები. ჩვეულებრივი ქალაქის სასტუმრო რუსულმა “ისკანდერმა“ გაანადგურა. აბსოლუტურად მიზანმიმართულად, გააზრებულად. დარტყმის შედეგად შვიდი ადამიანი დაშავდა, ერთი კი დაიღუპა“, - აღნიშნა ზელენსკიმ.
როგორც WP წერს, კურსკის რეგიონში ოპერაციის დროს უკრაინამ ტყვედ 247 პატიმარი აიყვანა. აღსანიშნავია, რომ 24 აგვისტოს უკრაინამ და რუსეთმა განახორციელეს სამხედრო ტყვეების მორიგი გაცვლა ფორმულით “115 - 115- ზე“.
26 აგვისტოს მონაცემებით, ქვეყნებს შორის საომარი მოქმედებები მწვავე ფაზაშია.
ბოლო 24 საათის განმავლობაში რუსეთმა უკრაინის ცალკეულ ტერიტორიებზე და დედაქალაქ კიევზე მასობრივი სარაკეტო შეტევა განახორციელა:
ამ წუთებში კიევში საყოველთაო განგაშია გამოცხადებული. ხალხი თავშესაფრებშია. გათიშულია ელექტროენერგია.
ვრცელდება ინფორმაცია, რომ კიევის საჰაერო თავდაცვა წარმატებით ყრის რუსების მიერ გაშვებულ KH-47 KINZHAL-M-ის ტიპის აერობალისტიკურ რაკეტებს.
ამ დროისთვის საჰაერო თავდასხმის მაუწყებელი განგაშია გამოცხადებული უკრაინის მთელ ტერიტორიაზე.
რუსეთის ბომბდამშენებიდან გაშვებული ფრთოსანი რაკეტები დასავლეთის ოლქებისკენაა მიმართული, ზღვიდან გაშვებული რაკეტები კი ჩრდილოეთ და ცენტრალური ოლქებისკენ. გავრცელებული ინფორმაციით, ვინიცაში, კროპივნიცკსა და კრივი-რიჰში აფეთქებების ხმები ისმოდა. ამასთანავე, აფეთქებების შესახებ იუწყებიან დნიპროდან, ზაპოროჟიედან, ოდესიდან და ხმელნიცკიდან.
"შაჰედები" უკრაინის ჩრდილოეთს დაესხნენ თავს. უკრაინის საჰაერო ძალების ცნობით, რუსეთის არმიამ დრონების რამდენიმე ჯგუფი გაუშვა, ზოგიერთი მათგანი სუმის რეგიონის გავლით დასავლეთით, ჩერნიგოვსკაიასკენ, ნაწილი კი სამხრეთით, პოლტავასკენ მოძრაობს.
სუმის, ჩერნიგოვის, პოლტავას, ჩერკასისა და ხარკოვის რეგიონებში საჰაერო თავდასხმის განგაში გამოცხადდა.
ფრთოსანი რაკეტებით დაიბომბა ოდესა, ნაწილი საჰაერო თავდაცვამ ჩამოყარა...
რუსეთი მასიურ კომბინირებულ შეტევას უკრაინაზე ამ დრომდე აგრძელებს.
არსებული ინფორმაციით, ნიჟნი ნოვგოროდის ოლქის სავასლეიკას ავიაბაზიდან აფრინდა MIG-31K-ს ტიპის რაკეტმზიდი თვითმფრინავები, რომლებიც დიდი ალბათობით, კინჟალ-M-ის ტიპის აერობალისტიკური რაკეტებით მიზანში კიევის ენერგოინფრასტრუქტურას ამოიღებენ.
აფეთქებებია კრივოი როგსა და კროპივნიცკიში
ვრცელდება ინფორმაცია ჩერნიგოვის, კიევის, პოლტავას და სხვა რეგიონებში რაკეტების ჩამოვარდნის შესახებ.
აფეთქებები იყო დნეპრში, ზაპოროჟიეში, ხმელნიცკიში და ვინიცაში, რომლებიც, რუსებმა, სავარაუდოდ, ბალისტიკური რაკეტებით დაბომბეს.
ქალაქი ლუცკში კი ფრთოსანი რაკეტები დაფიქსირდა.
- შეტევის შესახებ დეტალებს უკრაინაში მებრძოლი ქართველი ვანო ნადირაძე ავრცელებს:
“ორი საათია უკრაინას "შაჰიდები" უტევენ, ამ წუთას უკრაინის ჰაერში 25 ცალი მაინც არის , ეს უკვე მეორე ტალღაა. პლიუს ტუ-95მს 11 ცალი ჰაერში, ამ წუთას კასპიის ზღვისკენ მიფრინავენ, გამშვებ წერტილთან. ზღვაზე ჰყავთ კალიბრის მატარებელი გემები. მობილიზებული ჰყავთ მიგ-კ31 -ები. რაკეტა "კინჟალის" მატარებლები.
სადღაც უკრაინის დროით 6:30 საათიდან რაღაც ძალიან ცუდის გაკეთება უნდათ ამ ღორიშვილებს.
P.S ამ წუთას უკვე “შაჰიდების“ რიცხვი 40 -მდე გაიზარდა,“ - წერს ნადირაძე.
რაც შეეხება უკრაინას, უკრაინული უპილოტო თვითმფრინავები რუსეთის ენგელსის ავიაბაზას დაესხნენ თავს
“რუსეთის ქალაქებზე, სარატოვსა და ენგელსზე დღეს დილით უპილოტო საფრენი აპარატებით თავდასხმა განხორციელდა“, - ინფორმაციას "ტელეგრამარხები": Baza, Mash და Astra ავრცელებენ. აღსანიშნავია, რომ ენგელსში მდებარეობს აეროდრომი, სადაც TU-95 ტიპის სტრატეგიული ბომბდამშენებია განთავსებული.
სარატოვში უპილოტო საფრენი აპარატის თავდასხმის შემდეგ, ყველაზე მაღალი - 38 სართულიანი შენობა დაზიანდა. დაშავდა ქალი.
“ქალი მძიმე მდგომარეობაში გადაიყვანეს საავადმყოფოში. ექიმები მისი სიცოცხლისთვის იბრძვიან. დანარჩენებმა დახმარება ადგილზე მიიღეს“, - ციტირებენ რუსული საინფორმაციო "ტელეგრამარხები" გუბერნატორ რომან ბუსარგინს.
დრონებით იერიშის ფაქტი სარატოვის ოლქის გუბერნატორმა, რომან ბუსარგინმა დაადასტურა. მისი თქმით, ნამსხვრევები საცხოვრებელ კომპლექს Volga Sky-ში საცხოვრებელ კორპუსს დაეცა. აღსანიშნავია, რომ საცხოვრებელი კორპუსიდან სამხედრო ნაწილამდე და ენგელსის სამხედრო აეროდრომამდე - 12 კილომეტრია.
მოგვიანებით, რუსეთის თავდაცვის სამინისტრომ განაცხადა, რომ ღამით საჰაერო თავდაცვამ 20 უკრაინული დრონი ჩამოაგდო. გავრცელებული ინფორმაციით, 9 დრონი სარატოვის ოლქის ტერიტორიაზე, 3 კურსკის ოლქის ტერიტორიაზე, თითო-თითო ბელგოროდის, ბრიანსკის და ტულას ტერიტორიებზე და ასევე თითო-თითო ორიოლისა და რიაზანის ოლქების ტერიტორიებზე ჩამოაგდეს.
ქალაქები სარატოვი და ენგელსი ერთმანეთის საპირისპიროდ მდებარეობს ვოლგის მარჯვენა და მარცხენა ნაპირებზე.
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
