რუსი სამხედროები საკუთარ ქვეყანაში მაროდიორობენ - რა კადრები ვრცელდება კურსკის ოლქიდან?

23 აგვისტოს, სამი რუსი სამხედრო, რომლებსაც Wagner PMC-ის ლოგოთი ქუდები ეხურათ, კურსკის ოლქში, გლუშკოვსკის რაიონის სოფელ ზვანნოეში მდებარე Wildberies-ის საწყობში შევიდნენ და ამანათები მოიპარეს. კადრები Ashes Kursk არხმა გამოაქვეყნა. იმავე საღამოს ამანათების გაცემის პუნქტი კიდევ მეორედ გაძარცვეს. მძარცველების ჯგუფმა წაიღო ის ნივთები, რაც პირველი ძარცვის შემდეგ დარჩა.

სოფელი ზვანნოიე მდინარე სეიმის მახლობლად მდებარეობს. იქ ყველა ხიდი დაზიანებულია ან განადგურებულია, დროებითი გადასასვლელები კი მუდმივად ცეცხლის ქვეშაა. უახლოეს მომავალში რუსეთის შეიარაღებული ძალები შესაძლოა ალყაში აღმოჩნდნენ.

თუმცა ეს ხელს არ უშლის რუს ჯარისკაცებს ცარიელ სოფელში მაღაზიების ძარცვაში. 18 აგვისტოს ინტერნეტში გამოჩნდა კამერის კადრები, რომელშიც ჩანს, რომ ჩეჩენი მებრძოლები მეგაფონის საკომუნიკაციო მაღაზიას ძარცვავდნენ სოფელ გლუშკოვოში. იმჟამად "სამხედრო ჟურნალისტები“ ირწმუნებოდნენ, რომ მძარცველები იპოვეს, მაგრამ სასჯელის შესახებ ინფორმაცია არ გავრცელებულა.