მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“ამ არჩევნებს ზუსტად ისეთივე დატვირთვა აქვს, როგორიც 2012 წლის არჩევნებს ჰქონდა“ - პრემიერის აქცენტები: რაზე გაამახვილა კობახიძემ ყურადღება დელეგატების წარდგენისას
11:53 / 23-08-2024
“ქართული ოცნების“ საარჩევნო შტაბის ხელმძღვანელმა, პრემიერ-მინისტრმა ირაკლი კობახიძემ დღეს თბილისის დელეგატები წარადგინა.
დელეგატების შემადგენლობა შემდეგნაირად გამოიყურება:
- გლდანი - ლადო ბოჟაძე
- ნაძალადევი -ირაკლი ხელაძე
- ისანი - ნიკა ელისაშვილი
- სამგორი - ვარლამ ლიპარტელიანი
- დიდუბე - ჩუღურეთი-გიორგი ვოლსკი
- ვაკე -ზუკა რურუა
- საბურთალო - აკაკი ალადაშვილი
- მთაწმინდა-კრწანისი - დავით კაჭარავა
როგორც პრემიერმა განმარტა, ოცდაათივე დელეგატი წარმოდგენილი იქნება “ქართული ოცნების“ პროპორციულ სიაში, ე.წ. გამსვლელ ადგილებზე.
პრემიერმა პარტიის ოფისში გამართულ ბრიფინგზე ოპოზიციურ გაერთიანებებზეც ისაუბრა. მისი თქმით, “შემდეგ პარლამენტში, მაღალი ალბათობით, 2 სუბიექტი შევა. ეს იქნება “ქართული ოცნება“ და ერთ-ერთი ოპოზიციური გაერთიანება. ხოლო, ვინც არ უნდა გადალახოს ბარიერი, გასამართლებას ვერავინ აიცილებს დანაშაულებისთვის, რომლებიც მათ ჩაიდინეს“.
“სწორედ მომდევნო მოწვევის პარლამენტის პირობებში უნდა გასამართლდეს “ნაცმოძრაობა“ თავისი სატელიტებით, მემკვიდრე პარტიებით. ვინც არ უნდა გადალახოს ბარიერი, გასამართლებას ვერავინ აიცილებს იმ დანაშაულებისთვის, რომელიც მათ ჩაიდინეს.
2 თვის წინ, სოციოლოგიური კვლევით 10% ჰქონდა “ნაცმოძრაობას“. არცერთ პოლიტიკურ პარტიას, “ნაცმოძრაობის“ გარდა, არ ჰქონდა 5%-იანი ბარიერის გადალახვის რესურსი. ამას უკავშირდება ის გაერთიანების მცდელობები, რასაც ვხედავთ. საბოლოოდ, მგონია, რომ მაღალი ალბათობით, მაინც 2 სუბიექტი შევა შემდეგ პარლამენტში. ეს იქნება “ქართული ოცნება“ და ერთ-ერთი ოპოზიციური გაერთიანება. დანარჩენს საზოგადოება გადაწყვეტს, როგორ გაგრძელდეს პოლიტიკური პროცესები.
ჩემთვის ეს არ არის საინტერესო, სწორედ მომდევნო მოწვევის პირობებში უნდა გასამართლდეს “ნაცმოძრაობა“თავისი სატელიტებით, მემკვიდრე პარტიებით. ვინც არ უნდა გადალახოს ბარიერი, გასამართლებას ვერავინ აიცილებს იმ დანაშაულებისთვის, რომელიც მათ ჩაიდინეს ჯერ მაშინ, როდესაც ხელისუფლებაში იყვნენ და შემდეგ 12 წლის განმავლობაში, როდესაც ოპოზიციაში იყვნენ“,-აღნიშნა კობახიძემ.
პრემიერის თქმით, ამ არჩევნებს ზუსტად ისეთივე დატვირთვა აქვს, როგორიც ჰქონდა 2012 წლის არჩევნებს.
“ეს არის უკიდურესად პრინციპული არჩევნები. რა თქმა უნდა, ყველა საპარლამენტო არჩევნები ერთმანეთზე პრინციპული იყო, თუმცა, კიდევ ერთხელ მინდა აღვნიშნო, რომ ამ არჩევნებს ზუსტად ისეთივე დატვირთვა აქვს, როგორიც ჰქონდა 2012 წლის საპარლამენტო არჩევნებს.
კიდევ ერთხელ უნდა აღინიშნოს ის, რომ საკონსტიტუციო უმრავლესობის მოპოვების პირობებში ჩვენ შევძლებთ საბოლოოდ გადავჭრათ ჩვენი ქვეყნის ეროვნული პრობლემა, რაც დაკავშირებულია იმასთან, რომ “ნაცმოძრაობის“ ოპოზიციად ყოფნის პირობებში ქვეყანაში დემოკრატიული სისტემა, პოლიტიკური სისტემა ვერ ვითარდება, ქვეყანა მუდმივი რისკის ქვეშ არის იმ პირობებში,როდესაც ოპოზიციას წარმოადგენს კოლექტიური “ნაცმოძრაობა“, აგენტურა. აქედან გამომდინარე, ჩვენ გვჭირდება ჩვენი სისტემის თვისობრივად გაჯანსაღება და ეს შესაძლებელია მხოლოდ იმით, რომ “ნაცმოძრაობა“ უნდა ჩამოშორდეს პოლიტიკურ სისტემას, რისთვისაც უნდა დაიწყოს სამართლებრივი პროცედურები.
საკონსტიტუციო უმრავლესობა იქნება საუკეთესო საფუძველი იმისთვის, რომ ეს პროცესი ეფექტიანად წარიმართოს და წარმატებით დასრულდეს. “ნაცმოძრაობის’ არაკონსტიტუციურად გამოცხადება არის პრინციპულად მნიშვნელოვანი იმისთვის, რომ საქართველოში, ერთხელ და სამუდამოდ, ჩამოყალიბდეს ჯანსაღი დემოკრატიული სისტემა”, - განაცხადა კობახიძემ.
რაც შეეხება კითხვას, უშვებს თუ არა "ქართული ოცნება" იმას, რომ არჩევნებში შესაძლოა, დამარცხდეს, კობახიძემ აღნიშნა, რომ "წაგებაზე უნდა იდარდონ იმ პოლიტიკურმა ძალებმა, რომლებმაც 8 არჩევნები წააგეს". მისივე თქმით, “ქართული ოცნების“ ამბიციაა საკონსტიტუციო უმრავლესობის მიღება.
“ჩვენ 60% გვაქვს რეიტინგი, ჩვენი ამბიციაა საკონსტიტუციო უმრავლესობის მიღება“, - აღნიშნა კობახიძემ.
- რემიერ-მინისტრის თქმით, სალომე ზურაბიშვილმა პირდაპირი ფორმით საკუთარი არალეგიტიმურობა აღიარა.
“კარგია, რომ სალომე ზურაბიშვილმა საკონსტიტუციო სასამართლოს ლეგიტიმაცია აღიარა. ასევე, კარგია, რომ მან პირდაპირი ფორმით, საკუთარი არალეგიტიმურობაც აღიარა“, - ასე გამოეხმაურა საქართველოს პრემიერ-მინისტრი ირაკლი კობახიძე, პრეზიდენტის სალომე ზურაბიშვილის, საკონსტიტუციო სასამართლოში “უცხოური გავლენის გამჭვირვალობის შესახებ“ კანონის შეჩერებასთან დაკავშირებით შეტანილ სარჩელს.
მისი თქმით, სალომე ზურაბიშვილის შეტანილ სარჩელს ვერანაირი სამართლებრივი პერსპექტივა ვერ ექნება, რადგან გამჭვირვალობას ალტერნატივა არ აქვს.
იხილეთ ასევე:
შეგახსენებთ, რომ პრეზიდენტის პრეზიდენტმა საკონსტიტუციო სასამართლოს “უცხოური გავლენის გამჭვირვალობის შესახებ“ კანონის შეჩერებასა და გაუქმებასთან დაკავშირებით მიმართა. სასამართლო სარჩელის განხილვას 29 ოქტომბერს დაიწყებს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
