“უკრაინა მტრის 1250 კვადრატულ კილომეტრზე მეტ ტერიტორიასა და 92 დასახლებას აკონტროლებს“ - ვოლოდიმირ ზელენსკი
უკრაინის პრეზიდენტის, ვოლოდიმირ ზელენსკის განცხადებით, “უკრაინის შეიარაღებული ძალები მტრის 1250 კვადრატულ კილომეტრზე მეტ ტერიტორიასა და 92 დასახლებას აკონტროლებენ“. ამის შესახებ მან ელჩებთან შეხვედრისას, ანგარიშის წარდგენისას განაცხადა.
უკრაინის პრეზიდენტმა მოკავშირეებს მოუწოდა, რომ დასავლური იარაღით რუსეთის სიღრმეში დარტყმები დაუშვან.
“რამდენიმე თვის წინ, რომ გაეგოთ ჩვენ ვგეგმავდით ოპერაციას, კურსკის ოლქში ოპერაციის მსგავსს, ბევრი ადამიანი იტყოდა, რომ ეს არარეალური იყო და ყველაზე წითელ ხაზს კვეთდა იმ წითელ ხაზებს შორის, რომელიც რუსეთს აქვს. რუსეთის ე.წ. წითელი ხაზების ყველა ცნება ამ დღეებში სადღაც სუჯას მახლობლად დაინგრა“, - აღნიშნა ზელენსკიმ
- გასული კვირის ბოლოს უკრაინის შეიარაღებული ძალების მთავარსარდალმა ალექსანდრე სირსკიმ განაცხადა, რომ უკრაინის არმია იმ დროს კურსკის ოლქში 82 დასახლებას აკონტროლებდა.
“რუსეთთან დაკავშირებით წითელი ხაზების კონცეფცია სუჯას დროს დაინგრა“, - განაცხადა პრეზიდენტმა. მისი თქით, უკრაინის შეიარაღებული ძალების ოპერაციამ რუსეთის ტერიტორიაზე, კურსკის რეგიონში, გააქარწყლა რუსეთთან ომში რაიმე წითელი ხაზის არსებობის იდეა.
“ჩვენ ახლა გვაქვს უაღრესად მნიშვნელოვანი იდეოლოგიური ცვლილება, კერძოდ: რუსეთთან დაკავშირებით ეგრეთ წოდებული წითელი ხაზების გულუბრყვილო, მოჩვენებითი კონცეფცია, რომელიც დომინირებდა ზოგიერთი პარტნიორის შეფასებებში, დაინგრა.
მსოფლიო ხედავს, რომ ამ ომში ყველაფერი მხოლოდ გამბედაობაზეა დამოკიდებული - ჩვენს გამბედაობაზე, ჩვენი პარტნიორების გამბედაობაზე. მნიშვნელოვანია, რომ ჩვენი პარტნიორები სინქრონიზდნენ ჩვენთან ამ გადაწყვეტილებაში და მაშინ რუსეთს არ დარჩება სხვა ნაბიჯი, გარდა სამართლიანი მშვიდობის დამყარებისა“, - აღნიშნა ზელენსკიმ.
იხილეთ ასევე: