მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
უკრაინელებმა კურსკის ოლქში, მდინარე სეიმზე კიდევ ერთი ხიდი გაანადგურეს, როსტოვში კი ნავთობბაზას ისევ ცეცხლი უკიდია - რა ხდებოდა ღამის განმავლობაში რუსეთ-უკრაინის ომში?
10:25 / 19-08-2024
რუსეთის კურსკის რეგიონში ბრძოლები გრძელდება, ამაზე მეტყველებს რუსი და უკრაინელი სამხედროების განცხადებები.
ვრცელდება ინფორმაცია, რომ უკრაინის არმიამ მესამე ხიდი გაანადგურა კურსკის ოლქის მდინარე სეიმზე. ამის შესახებ რუსეთის სამხედრო ბლოგერები, ვლადიმირ რომანოვი და იური პოდოლიაკი იტყობინებიან.
პოდოლიაკის ინფორმაციას "შემოწმებული ცნობა“ უწოდა კურსკის ოლქის გუბერნატორის მოვალეობის დროებითმა შემსრულებელმა რომან ალიოხინმა.
როგორც იტყობინებიან, ახლა რუსეთის ჯარები მდინარეზე გადასასვლელად პონტონებს იყენებენ. ხიდის განადგურების დამადასტურებელი ინფორმაცია არ მოიპოვება. უკრაინის შეიარაღებულ ძალებში კი ამ ინფორმაციაზე კომენტარს არ აკეთებენ.
კურსკში სეიმზე პირველი ხიდი 16 აგვისტოს დაანგრიეს, მეორე - 18 აგვისტოს. ორივე ხიდის განადგურებაზე პასუხისმგებლობა იკისრეს უკრაინის შეიარაღებულმა ძალებმა.
ადგილობრივი ხელისუფლების განცხადებით, რეგიონის ნაწილი მოწყვეტილია რუსეთს, ევაკუაცია კი შესაძლებელია მხოლოდ წყლით. მოკლედ, მდინარე სეიმზე სამი ხიდიდან ორი ნამდვილად განადგურებულია უკრაინის შეიარაღებული ძალების დარტყმის შედეგად. ამ ტერიტორიაზე მესამე და ბოლო ხიდის დანგრევის შესახებ ინფორმაცია დამოუკიდებელი წყაროებით ჯერ არ დადასტურებულა.
ორლოვსკის ოლქის გუბერნატორმა ანდრეი კლიჩკოვმა განაცხადა, რომ ღამით მათ საჰაერო სივრცეში უპილოტო საფრენი აპარატი ჩამოაგდეს.
მისივე თქმით, დაშავებულები არ არიან.
ადრე გამოქვეყნებულ ანგარიშში რუსეთის თავდაცვის სამინისტრომ განაცხადა, რომ მან მოიგერია უკრაინული თვითმფრინავების თავდასხმები ბელგოროდისა და კურსკის რეგიონებზე. ორლოვსკის რეგიონი ანგარიშში არ იყო ნახსენები.
ამასთანავე, რუსული პროპაგანდა ავრცელებს ახალ, დაუსაბუთებელ ბრალდებებს უკრაინის წინააღმდეგ, რომ ის ემზადება ატომურ ელექტროსადგურებზე თავდასხმისა და "ბინძური ბომბის“ გამოყენებისთვის. უკრაინის საგარეო საქმეთა სამინისტრომ ამ ბრალდებებს სიცრუე უწოდა.
როსტოვის ოლქის პროლეტარსკის რაიონში ნავთობის საცავი, რომელსაც თავს უპილოტო თვითმფრინავები დაესხნენ კვირას დილით, განაგრძობს წვას. ხანძარის ჩაქრობა ამ დრომდე ვერ ხერხდება, - ამის თაობაზე რეგიონული გამოცემა 161.RU, რაიონის ადმინისტრაციის ხელმძღვანელ ვალერი გორიჩზე დაყრდნობით იუწყება.
შეგახსენებთ, გუშინ როსტოვის გუბერნატორმა ვასილი გოლუბევმა თქვა, რომ საჰაერო თავდაცვის ძალებმა მოიგერიეს შეტევა, მაგრამ "ნამსხვრევების ჩამოვარდნის შედეგად" ნავთობბაზაზე ხანძარი გაჩნდა. საღამოს ადგილობრივმა ხელისუფლებამ გაავრცელა ინფორმაცია, რომ სიტუაცია გართულდა. მისივე ინფორმაციით, შექმნილი ვითარების გამო, პროლეტარსკში საგანგებო მდგომარეობა გამოცხადდა.
რუსულმა Telegram-ის არხებმა გამოაქვეყნეს უამრავი ფოტო და ვიდეო, რომელშიც ჩანს ცეცხლმოკიდებული ტანკი და კვამლის სვეტი.
დრონით თავდასხმის შედეგად გამოწვეული ხანძრის გამო 18 ადამიანი დაშავდა, - ინფორმაციას რუსული მედია ავრცელებს.
უკრაინის შეიარაღებული ძალები კი იუწყებიან, რომ ღამით განხორციელებული ყველა კამიკაძე დრონი ჩამოაგდეს. უკრაინის შეიარაღებული ძალების საჰაერო ძალების სარდალმა ნიკოლაი ოლეშჩუკმა განაცხადა, რომ რუსებმა ორშაბათ ღამით უკრაინაში დრონები გაუშვეს, ყველა მათგანი ჩამოაგდეს სხვადასხვა რეგიონში.
”უკრაინის თავდაცვის ძალების მობილური სახანძრო ჯგუფების, საზენიტო-სარაკეტო დანაყოფების, საჰაერო ძალების საავიაციო და ელექტრონული საბრძოლო აღჭურვილობის საზენიტო ბრძოლის შედეგად, მტრის ყველა უპილოტო საფრენი აპარატი ჩამოაგდეს ნიკოლაევში, ჩერკასში, ვინიცაში, კიევში, დნეპროპეტროვსკის, ხარკოვის, სუმისა და დონეცკის რეგიონებში“, - განაცხადა მან.
კიევში ლამის მთელი ღამის განმავლობაში მუშაობდა საჰერო თავდაცვა. გავრცელებული ინფორმაციით, არავინ დაშავებულა, კიევის რეგიონში დაზიანდა 50-მდე კერძო სახლი. წყარო
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
