მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვეშაპის თავდასხმის კიდევ ერთი ფაქტი - ავსტრალიაში, ნავში მყოფ მამაკაცს გიგანტურმა ზღვის ბინადარმა სერიოზული დაზიანებები მიაყენა
19:39 / 18-08-2024
მამაკაცი, რომელიც ავსტრალიაში, ქუინსლენდის მახლობლად პატარა ნავში იჯდა, საავადმყოფოში გადაიყვანეს. მიზეზი ვეშაპის თავდასხმა გახდა. როგორც თვითმხილველები ამბობენ, ვეშაპმა კაცს კუდი მოარტყა და სხეულზე სერიოზული დაზიანებები მიაყენა.
შემთხვევიდან მალევე, სანაპიროზე მყოფებმა სასწრაფო დახმარება გამოიძახეს. ქუინსლენდის პოლიციის თანამშრომლების მიხედვით, 40 წელს გადაცილებულმა კაცმა ვერც კი შენიშნა ვეშაპი, სანამ ის საბოლოოდ მის თვალწინ არ გამოჩნდა.
"კაცმა გონება მაშინ დაკარგა, როცა ვეშაპმა კუდი დაარტყა", - ამბობს პოლიცია. "ნავების მეპატრონეებს მუდამ ვურჩევთ, რომ ყოველთვის ეცვათ სამაშველო ჟილეტი. საბედნიეროდ, ეს მამაკაცი ნავიდან არ გადმოვარდნილა და იქვე დარჩა",- დასძინეს მათ.
პარამედიკებმა დაშავებული კაცი ჯერ ნაპირზე გაიყვანეს, შემდეგ კი ის გოლდ ქოუსთის უნივერსიტეტის საავადმყოფოში გადაიყვანეს, სადაც მას სახის და ხერხემლის დაზიანებებზე მკურნალობენ. ბოლო ინფორმაციით, მისი მდგომარეობა დასტაბილურდა.
წყარო: theguardian
მოამზადა: ანა სიბოშვილმა
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
