პუტინმა კიმ ჩენ ინს საჩუქრად 447 თხა გაუგზავნა
“ლენინგრადის რეგიონიდან ჩრდილოეთ კორეაში წვრილფეხა პირუტყვის პარტია გაიგზავნა“, - ამის შესახებ ინფორმაციას “როსსელხოზნადზორი“ ავრცელებს.
უწყების მონაცემებით, 8 აგვისტოს, მისი ჩრდილო-დასავლეთის რეგიონთაშორისი დირექტორატის ინსპექტორებმა გადაყვანისთვის განკუთვნილი 447 სული წვრილფეხა პირუტყვის ვეტერინარული და სანიტარული პირობები გააკონტროლეს.
როგორც აღმოჩნდა, თხები ლენინგრადის რეგიონიდან ჩრდილოეთ კორეის ქალაქ რასონში უნდა გადაიყვანონ.
“დეპარტამენტის თანამშრომლებმა წვრილფეხა ცხოველებისა და მანქანის და სანიტარული მდგომარეობის დოკუმენტური და ფიზიკური კონტროლი აწარმოეს.
კორეაში 432 არაორსული თხა და 15 მდედრი თხა გაიგზავნა. გაითვალისწინეთ, რომ ეს არის ცოცხალი ცხოველების პირველი პარტია, რომელიც ექსპორტირებულია ჩრდილოეთ კორეაში“, - აღნიშნულია განცხადებაში.
Human Rights Watch-ის მონაცემებით, ჩრდილოეთ კორეაში 25,9 მილიონი ადამიანიდან 10,7 მილიონი შიმშილის ზღვარზეა, ხოლო ბავშვების 18% ქრონიკული არასრულფასოვანი კვების გამო, შეფერხებით ვითარდება.
- ჩრდილოეთ კორეის ცენტრალური საინფორმაციო სააგენტოს ინფორმაციით, ნამფოს მუნიციპალიტეტის რაიონებსა და ოლქებში, თხის დიდი მეურნეობების აშენება იგეგმება.
“ფონდი გაერთიანდა, რათა შეუფერხებლად მიეწოდოს რძის პროდუქტები მუნიციპალიტეტის ბავშვებს“, - იტყობინება მედია.
პუტინი კიმ ჩენ ინს თხებს, სავარაუდოდ, ივნისში, ჩრდილოეთ კორეაში ვიზიტისას დაჰპირდა...
იხილეთ ასევე:
- კონტროლირებადი არქიტექტურა: ჩრდილოეთ კორეის უცნაური, პოსტმოდერნული ქალაქური პეიზაჟები
- "რუსეთთან სტრატეგიული კომუნიკაციის გაძლიერებას ვაპირებთ" - კიმ ჩენ ინი