დავით ქაცარავამ ახალი პოლიტიკური პარტია დააფუძნა - “მუდმივად ისმის კითხვა: “ესენი არ მოგვწონს, მაგრამ ვინ?!“ ვინ და - ჩვენ!“
"ანტისაოკუპაციო მოძრაობის" წევრმა დავით ქაცარავამ პოლიტიკური პარტია დააფუძნა.
“ხალხი მზად არის, რომ ხელისუფლება შეცვალოს, მაგრამ მუდმივად ისმის კითხვა - “ესენი არ მოგვწონს, მაგრამ ვინ?!“ ვინ და, - ჩვენ!“ - წერს ქაცარავა და თანამოაზრეებს მხარდაჭერისკენ მოუწოდებს.
“ჩვენ“ არის ახალი პოლიტიკური პარტია, რომელიც მე და ჩემმა თანამებრძოლებმა და თანამოაზრეებმა ხალხის დაკვეთით და ხალხისთვის შევქმენით!
ჩვენ ვიცით, რომ ძალა ერთობაშია და ამიტომაც, ჩვენი კარი ყველასთვის ღიაა! ჩვენ გელოდებით ყველას, ვინც თვლის, რომ ბრძოლას ყოველთვის აქვს აზრი და 26 ოქტომბერს ჩვენი გამარჯვება გარდაუვალია! ჩვენ ვიბრძვით ჩვენი საერთო გამარჯვებისთვის!
“ჩვენ“, ის პოლიტიკური ძალაა, რომელიც თავისი საქმის პროფესიონალებსა და იმ სამოქალაქო აქტივისტებს აერთიანებს, რომლებსაც ქვეყნის კეთილდღეობისთვის ბრძოლაში უკან არასოდეს დაუხევიათ!
მოკლედ, ჩვენ დავიწყეთ!“ - წერს ქაცარავა.