ინციდენტი პარიზის ოლიმპიადის დახურვამდე - დააკავეს ნახევრად შიშველი მამაკაცი, რომელიც ეიფელის კოშკზე აცოცდა
პარიზში ოლიმპიური თამაშების დახურვის ცერემონიამდე რამდენიმე საათით ადრე, ნახევრად შიშველი მამაკაცი ეიფელის კოშკზე აცოცდა. ამის გამო, მიმდებარე ტერიტორიიდან ტურისტების ევაკუაცია განხორციელდა და დაიკეტა კოშკში შესასვლელი. მამაკაცი დააკავეს.
მამაკაცი ადგილობრივი დროით 14:45 საათზე დააფიქსირეს და ოფიცრებმა ის მომენტალურად დააკავეს.
სოციალურ მედიაში გავრცელებულ ვიდეოებში ჩანს მამაკაცი, რომელიც კოშკზე უსაფრთხოების დაცვის გარეშე აცოცდა.
Associated Press იტყობინება, რომ ინციდენტის დროს საფრანგეთის პოლიციამ ეიფელის კოშკის მიმდებარე ტერიტორიიდან ხალხის ევაკუაცია მოახდინა.