“11 წელი შვილების უნახავად, გაუთავებელი და დაუსრულებელი მონატრება“ - ლევან ხაბეიშვილი აშშ-ში მცხოვრები ძმისა და მისი ოჯახის შეხვედრის ემოციურ კადრებს ავრცელებს

“ჩემი ძმა და მისი ანგელოზები - 11 წელი შვილების უნახავად... გაუთავებელი და დაუსრულებელი მონატრება. ასეთ მონატრებაში ცხოვრობს ყველა მეორე ოჯახი“, - ენმ-მ პარტიის პოლიტიკური საბჭოს თავმჯდომარე ლევან ხაბეიშვილი, 11 წლიანი განშორების შემდეგ, მისი ემიგრანტი ძმის შვილებთან შეხვედრის ამსახველ ამაღელვებელ ვიდეოს ავრცელებს.

“ამიტომ ვიბრძოლებ უკანასკნელ ამოსუნთქვამდე, რომ მამა და შვილი, დედა და შვილი, და და ძმა, ბებია, ბაბუა და შვილიშვილები არ დაშორდენ ერთმანეთს. ოჯახები საქართველოში გაძლიერდეს“, - წერს ლევან ხაბეიშვილი.

შეგახსენებთ, რომ 8 ივნისს ლევან ხაბეიშვილმა "ნაციონალური მოძრაობის" თავმჯდომარის თანამდებობა დატოვა. მიზეზად ჯანმრთელობის მდგომარეობა დაასახელა. იგი ამ პოზიციაზე თინა ბოკუჩავამ შეცვალა.

ხაბეიშვილი, როგორც თავად აცხადებს, სამკურნალოდ მალევე წავიდა აშშ-ში, სადაც მისი ძმა წლებია ცხოვრობს.

• ლევან ხაბეიშვილის ძმა, გიორგი ხაბეიშვილი 13 წელი სახელმწიფო დაცვის სპეციალური სამსახურში მუშაობდა და მაიორი გახლდათ. მიღებული აქვს არაერთი ჯილდო და როგორც რამდენიმე თვის წინ პოლიტიკოსი სოციალურ ქსელში წერდა, გიორგი ხაბეიშვილი იცავდა პრეზიდენტ სააკაშვილის ოჯახს, საკუთარი ჯანმრთელობის და სიცოცხლის რისკის ფასად.

ლევან ხაბეიშვილი “ნაციონალური მოძრაობის“ თავმჯდომარედ 2023 წლის 30 იანვარს აირჩიეს. მან ამ თანამდებობაზე ნიკა მელია შეცვალა.

იხილეთ ასევე:

• რატომ წავიდა ლევან ხაბეიშვილი ამერიკაში - პოლიტიკოსი გავრცელებულ ჭორებს პასუხობს: "მჭირდებოდა ეს 2-3 თვე..."