მეცნიერები ჰობიტების არსებობას ადასტურებენ - აღმოჩენილია ჰომინინის სახეობა, რომელიც ინდონეზიაში 700,000 წლის წინ ცხოვრობდა და მხოლოდ 1 მეტრამდე იზრდებოდა
მწერალმა, “ბეჭდების მბრძანებლის“ შემქმნელმა, ჯონ რონალდ რუელ ტოლკინმა თითქმის 90 წლის წინ, შესაძლოა მსოფლიოში ყველაზე ცნობილი მხატვრული ჰობიტი შექმნა, თუმცა მეცნიერები ამბობენ, რომ ჰობიტები რეალურად არსებობდნენ და თან ბევრად ადრე, ვიდრე მწერალი წარმოიდგენდა.
ახლახანს არქეოლოგებმა ინდონეზიაში, კუნძულ ფლორესზე, ადამიანის ნათესავის, რომელიც ხშირად ცნობილია როგორც ჰობიტები, უძველესი ჰომინიდის წინაპრის homo floresiensis 700 000 წლის ნამარხი აღმოაჩინეს.
სულ ნაპოვნია ოთხი ადამიანის, მათ შორის ორი ბავშვის გაქვავებული ძვლები.
წინამხრის პატარა ძვლის თანამედროვე ადამიანის ზომასთან შედარებით, მკვლევარები ვარაუდობენ, რომ ეს ჰომინიდი სულ რაღაც 100 სმ სიმაღლის იქნებოდა.
- "კიდურის ძვლის მცირე პროპორციებიდან ჩანს, რომ “ჰობიტის“ ადრეული წინამორბედები იმაზე პატარაც კი იყვნენ, ვიდრე გვეგონა" - აცხადებს გრიფიტის უნივერსიტეტის თანაავტორი, პროფესორი ადამ ბრუმი.
უძველესი ჰომინიდის სახეობის ნაშთები მკვლევრებმა 2003 წელს აღმოაჩინეს. ეს ადამიანთა მონათესავე ტიპები მხოლოდ ერთი მეტრის სიმაღლის იყვნენ, ბევრად უფრო მცირე ზომის, ვიდრე სხვა ცნობილი ადრეული ჰომინინები.
ექსპერტები თვლიან, რომ ისინი კუნძულზე ჯერ კიდევ 50 000 წლის წინ ცხოვრობდნენ. მაშნ, როდესაც ჩვენი სახეობა ავსტრალიაში უკვე დამკვიდრდა.
მიკროსტრუქტურის ციფრულმა მიკროსკოპამ აჩვენა, რომ ეს ზრდასრული ადამიანის ძვლებია.
"როდესაც პირველად დავინახე პატარა მხრის ძვალი, მეგონა, რომ ეს ბავშვის იყო, მაგრამ გამიკვირდა, როცა მის განვითარების სტადიას დავაკვირდი", - ამბობს ტოკიოს უნივერსიტეტის თანაავტორი, პროფესორი იუსუკე კაიფუ.
სულ რაღაც 211-220 მილიმეტრი სიგრძით, ეს არის ყველაზე პატარა ჰომინიდის მხრის ძვალი, რომელიც ოდესმე აღმოჩენილა ზრდასრულ ჰომინიდში.
ადრე მკვლევარებმა ამ მიდამოში კბილები და ყბის ძვალიც კი აღმოაჩინეს, მაგრამ მხრის ძვლის აღმოჩენამ ახალი ანალიზის კარი გააღო.
- ამჟამად არსებობს ორი თეორია იმის ასახსნელად, თუ როგორ გაჩნდა კუნძულზე “ჰომო ფლორეზიენსისი“.
პირველი ამტკიცებს, რომ ჰომინინი იყო განსაკუთრებით ხანგრძლივი ნათესავი კიდევ უფრო ძველი აფრიკული ჰომინინისა, რომელიც თავიდანვე ძალიან მცირე იყო.
ალტერნატივა კი ამტკიცებს, რომ ეს სახეობა შეიძლება წარმოიშვა “ჰომო ერექტუსის“ ჯგუფიდან, რომელიც აღმოცენდა მახლობლად.
იხილეთ ასევე: