პარტნიორები:
ავტორი:

"ფინალში რომ ლაშა მარცხდებოდა, შევძახე, მიდი მამი-მეთქი და ხატი ავწიე... ყველა ჩვენი შეძახილი ესმოდა" - ლაშა ბექაურის მამა გამარჯვების შემდგომ შთაბეჭდილებებზე

"ფინალში რომ ლაშა მარცხდებოდა, შევძახე, მიდი მამი-მეთქი და ხატი ავწიე... ყველა ჩვენი შეძახილი ესმოდა" - ლაშა ბექაურის მამა გამარჯვების შემდგომ შთაბეჭდილებებზე

ლაშა ბექაურმა პარიზის 2024 წლის ოლიმპიადაზე ქართულ ძიუდოს ისტორიაში ახალი ფურცელი ოქროს მედლის ორგზის მოპოვებით ჩაწერა. ის პირველი ქართველი ძიუდისტია, რომელმაც ამ ეტაპისთვის 2 ოლიმპიური ოქრო მიითვალა. მას ნახევარფინალისკენ მიმავალ გზაზე კორეელ მეტოქესთან მოუწია დაპირისპირება, თუმცა მალევე, სულ რაღაც წუთნახევარში შეძლო შემდეგ ეტაპზე გადასვლა და ნახევარფინალში ესპანეთის სახელით მოასპარეზე ტრისტან მოსახლიშვილს სძლია.

გადამწყვეტ ორთაბრძოლაში კი ბექაურს მეტოქეობას უწევდა მსოფლიო ჩემპიონატის ბრინჯაოს მედლის მფლობელი, იაპონელი მურაო სანშირო. ეს იყო დრამატული შეხვედრა, რა დროსაც, პირველი ვაზარი იაპონელმა მოიპოვა. ქართველმა ჯერ გაათანაბრა ანგარიში, ბრძოლის მიწურულს კი კიდევ ერთი ვაზარი აიღო და იპონით გაიმარჯვა.

შვილის პროფესიულ არჩევანზე დიდი გავლენა სწორედ გელა ბექაურმა იქონია, მისი ინიციატივით დაიწყო მესამეკლასელმა ლაშამ სოფელში, არხილოსკალოს დარბაზში კახა წიკლაურთან ძიუდოზე სიარული.

ლაშას წლევანდელ ბრძოლას განსაკუთრებული ელფერი მამის გულშემატკივრობამაც შესძინა, რომელიც ამ დონის ტურნირებზე შვილის გამოსვლას პირველად დაესწრო დარბაზში.

როგორც kvirispalitra.ge -სთან საუბარში გელა ბექაური აღნიშნავს, ოლიმპიადაზე საფრანგეთში შვილის თხოვნით წავიდა.

- ბატონო გელა, გილოცავთ ლაშას გამარჯვებას! ძალიან ამაღელვებელი სანახავი იყო თქვენი გამოჩენა პარიზის ოლიმპიადაზე... როგორია "301 – ე არაგველის" მამობა? ღვთისმშობლის ხატით ხელში ლოცულობდით შვილის გამარჯვებისთვის...

- დიდი მადლობა მოლოცვისთვის. უდიდესი პასუხისმგებლობა და უდიდესი ბედნიერებაა, უფლის მადლიერი ვარ, რომ ასეთი შვილი მყავს. ვერ ვიტყვი, რამდენად ეკლესიური ოჯახი ვართ, მაგრამ ის შემიძლია ვთქვა, რომ ჩვენს გამარჯვებაში მთავარი წვლილი მიუძღვის უფალსა და დედაღვთისმშობელს.

- როგორც ადრე ინტერვიუში აღნიშნეთ, გიჭირდათ ლაშას თამაშების ყურება ქომაგებთან ერთად...პარიზში წასვლის გადაწყვეტილება როგორ მიიღეთ?

- ტრადიციულად მარტო ვუყურებ ლაშას ბრძოლას, ვლოცულობ მისთვის და ხალხთან ერთად ამის საშუალება არ მეძლევა. ახლაც გამიჭირდა ხალხთან ერთად ყურება, მაგრამ შვილს სჭირდებოდა და მის გვერდით უნდა ვყოფილიყავი. ჩვენმა თანადგომამ, მხარდაჭერამ, ერთიანობამ შედეგი გამოიღო...წაიკითხეთ ასევე

ნახეთ ასევე:

ტეგები თემაზე: