მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“გიორგი უდესიანი და რეზო ქურასბედიანი კატეგორიულად გამორიცხავენ ამ საქმესთან შემხებლობას“ - რას აცხადებს ბესიკ ხარძიანის მკვლელობის საქმის ერთ-ერთი ადვოკატი
13:29 / 24-07-2024
ადვოკატ ბექა ბასილაიას განცხადებით, მედიაში გავრცელდა ინფორმაცია, რომ შეიძლება გამოძიება ბიზნესმენ ბესიკ ხარძიანის მკვლელობის საქმესთან დაკავშირებით მისი დაცვის ქვეშ მყოფი პირების გიორგი უდესიანისა და რეზო ქურასბედიანის წინააღმდეგ მოქმედებდეს.
ადვოკატებმა ბექა ბასილაიამ და შოთა თუთბერიძემ ამ საკითხთან დაკავშირებით ერთობლივი ბრიფინგი გამართეს.
“საქართველოს გენერალურმა პროკურატურამ გაავრცელა ინფორმაცია ბესიკ ხარძიანის მკვლელობის ჩამდენი პირის შესაძლო ექსტრადიციასთან დაკავშირებით, რასაც ჩვენ მივესალმებით. ამავე დროს, მედიაში გავრცელდა ინფორმაცია, რომ შეიძლება გამოძიება მუშაობდეს ვერსიაზე ჩემი დაცვის ქვეშ მყოფ პირთა წინააღმდეგ, საუბარია გიორგი უდესიანსა და რეზო ქურასბედიანზე. მქონდა მათთან კომუნიკაცია და ისინი კატეგორიულად გამორიცხავენ ნებისმიერი ტიპის შემხებლობას ამ საქმეზე. ისინი არიან აბსოლუტურად უდანაშაულონი ამ მიმართულებით. შესაბამისად, ინფორმაცია, თითქოს გამოძიება შესაძლოა, ამ ვერსიაზეც მუშაობდეს, არის წმინდა წყლის პროპაგანდა და მას აქვს პოლიტიკური მიზნები. მოგეხსენებათ, გიორგი უდესიანი არის პოლიტიკური დევნილი, რაც დადასტურებულია ჩვენი მეგობარი დასავლური სახელმწიფოს სასამართლოს გადაწყვეტილებების და "ინტერპოლის" გადაწყვეტილებითაც, რომელმაც გია უდესიანის ძებნაზე საქართველოს ხელისუფლებას უარი უთხრა", - განაცხადა ბასილაიამ.
ადვოკატ შოთა თუთბერიძის განცხადებით, აღნიშნული საქმის წინასაარჩევნო პერიოდში გახმაურებით ჩნდება ეჭვი, რომ პროპაგანდა ემსახურება ბიძინა ივანიშვილის მიერ გაკეთებული განცხადების რეალიზებას, რომლის თანახმად, უნდა მოხდეს 2008 წლის აგვისტოს ომის გარკვეული გარემოებების გადახედვა.
“ბუნებრივია, ომის ეს რევიზია ცალსახად არის ანტისახელმწიფოებრივი ქმედება იმიტომ, რომ იქ გასარკვევი და გადასახედი ნამდვილად არაფერია. გია უდესიანი გახლდათ ერთ-ერთი უმნიშვნელოვანესი სამხედრო შენაერთის მეთაური აგვისტოს ომში, მას აქტიური მონაწილეობა აქვს მიღებული რუსეთის წინააღმდეგ ბრძოლაში. რუსეთის წინააღმდეგ მებრძოლებს რუსეთი უსწორდება, მათ შორის, საკუთარი სატელიტი მთავრობების დახმარებით, ამ ფაქტს ადასტურებს ისიც, რომ არცერთი ცივილიზებული, დასავლური სახელმწიფო არ აღიარებს საქართველოს ხელისუფლების მოთხოვნას უდესიანის ექსტრადიციასთან დაკავშირებით. ეს არის დაკავშირებული ევროკავშირის წევრი ორი სახელმწიფოს სასამართლოს გადაწყვეტილებით, მას აქვს მინიჭებული პოლიტიკური დევნილის სტატუსი და შესაბამისი გარანტიები აქვს, თუმცა ბუნებრივია, თუ “ქართული ოცნების“ ამ გეგმას რეალიზაცია უწერია, გვექნება სიტუაცია, როცა პრაქტიკულად, ქართველი მებრძოლების წინააღმდეგ რუსეთის ფედერაციის დაკვეთას, საქართველოს ხელისუფლება ხორცს შეასხამს", - განაცხადა შოთა თუთბერიძემ.
ცნობისთვის, ბიზნესმენ ბესიკ ხარძიანს თბილისში საკუთარ სადარბაზოში 2015 წლის 28 მარტს მოკლეს, მას ცეცხლსასროლი იარაღიდან ესროლეს. მიყენებული ჭრილობების შედეგად ხარძიანი საავადმყოფოში გარდაიცვალა. მთავარმა პროკურატურამ ბიზნესმენის მკვლელობის საქმე გახსნილად 2016 წლის იანვარში გამოაცხადა.
ბიზნესმენ ბესარიონ ხარძიანის, შეკვეთით განზრახ მკვლელობის საქმეზე ბრალდებული ორი პირი - უკრაინის მოქალაქე, 1985 წლის 29 მაისს დაბადებული ფარიდ გურბანოვი და რუსეთის ფედერაციის მოქალაქე, 1973 წლის 4 სექტემბერს დაბადებული ოლეგ დოევი სასამართლომ დამნაშავედ ცნო და ორივე მათგანს დაუსწრებლად, 19-19 წლით თავისუფლების აღკვეთა განუსაზღვრა. ხარძიანის მკვლელობაში მსჯავრდებულებზე ამ დრომდე ძებნა იყო გამოცხადებული, ვინაიდან მათ საქართველოს ტერიტორია დატოვებული ჰქონდათ.
ბიზნესმენი ბესიკ ხარძიანი გარდაცვალებამდე, 2011 წლის თებერვალში ნარკოდანაშაულის ბრალდებით დააკავეს და პატიმრობიდან 2012 წლის დეკემბერში გათავისუფლდა. ხარძიანი ამტკიცებდა, რომ ამ პერიოდში მას კუს ტბის წილები ზეწოლით დაათმობინეს.
ასევე იხილეთ:
- “სიხარულთან ერთად სტრესიც იყო იმის გაგება, რომ მამაჩემის მკვლელი დაკავებულია“ - 9 წლის შემდეგ ნაპოვნი პროფესიონალი ქილერი და ბესიკ ხარძიანის მკვლელობის ახალი დეტალები (ვიდეო)
- ვინ არის გიორგი უდესიანი, რომელსაც მოკლული ბიზნესმენის და მკლელობაში ადანაშაულებს?
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
