სიახლე ონკოლოგიური პაციენტებისთვის, რომელიც ხვალიდან ამოქმედდება - მარტივდება საჭირო მედიკამენტების მიღების გზა
ხვალიდან, ონკოლოგიურ პაციენტებს, სხვადასხვა თერაპიისთვის საჭირო მედიკამენტების მიღება პირდაპირ სამედიცინო დაწესებულებებში შეეძლებათ.
ჯანდაცვის მინისტრის, მიხეილ სარჯველაძის ინფორმაციით, ონკოლოგიური პაციენტებისთვის, პრეპარატების მიღების გზა მარტივდება, ვინაიდან მანამდე მათ, მედიკამენტების რეცეპტისთვის კლინიკაში მისვლა, შემდეგ აფთიაქში მათი შეძენა და სამედიცინო პროცედურის ჩასატარებლად, ისევ კლინიკაში დაბრუნება უწევდათ.
“აღნიშნული სიახლე, პაციენტის ინტერესებისა და უფლებების დაცვის სტანდარტის გაუმჯობესებისაკენ გადადგმული მორიგი ნაბიჯია და ამ მიმართულებით, მუშაობა აქტიურად გაგრძელდება”,- აღნიშნა მინისტრმა ბრიფინგზე.