Euro 2024 - ის სიმბოლური ნაკრების კარის ქართველი დარაჯი -"მამარდა" სხვადასხვა საიტების რჩეულია
დასრულდა ევროპის ჩემპიონატი, თუმცა საფეხბურთო სამყარო ჯერ კიდევ ამ მნიშვნელოვანი მოვლენიდან გამოყოლილი საინტერესო ამბებით ცხოვრობს.
სხვადასხვა სპორტული საიტები აქვეყნებენ ევრო2024 -ის სიმბოლურ ნაკრებებს, სასიხარულოა, რომ ევროპის წამყვან ფეხბურთელებში ქართველიც გამოერია.
WhoScored-ის მიხედვით, სიმბოლური ნაკრების მეკარე ქართველი გოლკიპერი გიორგი მამარდაშვილია.
"ტურნირზე ბრწყინვალედ ასპარეზობის შედეგად ქართველმა მეკარემ ჩვენი გუნდის სასტარტო შემადგენლობაში დაიკავა ადგილი. 23 წლის კარის დარაჯი ჩეხეთთან შესანიშნავი თამაშით საუკეთესო შეფასებების მხრივ საერთო რეიტინგში 9.25 ქულით მეორე ადგილზე გავიდა“, - ვკითხულობთ საიტზე.
- WhoScored-ის სიმბოლური ნაკრების სასტარტო შემდგენლობა კი ასეთია:
მეკარე: გიორგი მამარდაშვილი (საქართველო, 7.76)
მცველები: იოზუა კიმიხი (გერმანია, 7.45), იაკა ბიოლი (სლოვენია, 7.33), პეპე (პორტუგალია, 7.33), ნუნუ მენდეში (პორტუგალია, 7.51)
ნახევარმცველები: ფაბიან რუისი (ესპანეთი, 7.56), დანი ოლმო (ესპანეთი, 7.72), ჯამალ მუსიალა (7.51)
თავდამსხმელები: ლამინ იამალი (ესპანეთი, 7.61), კოდი გაკპო (ნიდერლანდები, 7.59), ნიკო უილიამსი (ესპანეთი, 7.39)
სიმბოლური ნაკრები შეადგინა ბრიტანულმა ანალიტიკურმა კომპანია Opta-მაც, საქართველოს ნაკრების კარის დარაჯი გიორგი მამარდაშვილი მის სიაშიც მოხვდა.
- Opta-ს სიმბოლური ნაკრები ასე გამოიყურება:
მეკარე: გიორგი მამარდაშვილი
მცველები: იოზუა კიმიხი, მარკ გი, მანუელ აკანჯი, მარკ კუკურელია
ნახევარმცველები: ლამინ იამალი, დანი ოლმო, ფაბიან რუისი, ნიკო უილიამსი, ტონი კროოსი
თავდამსხმელი: კოდი გაკპო
შეგახსენებთ, საქართველოს ნაკრების მეკარემ, გიორგი მამარდაშვილმა, ევროპირველობაზე ჩატარებულ ოთხ მატჩში მეტოქეთა 29-ჯერ დარტყმული ბურთი მოიგერია, რაც ტურნირზე საუკეთესო მაჩვენებელი გახლდათ. მან კონკურენტებს დიდი უპირტესობით აჯობა.
იხილეთ ასევე: