"გრემის" ნომინანტი მომღერლის გამაოგნებელი შესრულება, ანუ როცა მსმენელს "ყურებიდან სისხლი" სდის (ვიდეო)

32 წლის ინგრიდ ანდრესი ქანთრის მომღერალია მიჩიგანის შტატიდან. მუსიკოსი, რომელსაც 2 ალბომი აქვს გამოშვებული და Spotify-ზე ყოველთვიურად 2 მილიონზე მეტი მსმენელი ჰყავს, "გრემის" ნომინანტიც იყო.

სწორედ ამიტომ მიანდვეს ტეხასის შტატის ქალაქ არლინგტონში, ბეისბოლის უმაღლესი ლიგის შიდა ჩემპიონატის გახსნაზე ეროვნული ჰიმნის სიმღერა. ორგანიზატორები დღეს შეიძლება ფიქრობენ, რომ შეცდომა დაუშვეს, თუმცა ამ ჩემპიონატის გახსნა დღემდე ასეთი პოპულარული არასდროს ყოფილა.

ინგრიდის ნამღერი ვირუსულად გავრცელდა და მთელი ინტერნეტ სივრცე მოიცვა. თუმცა ეს იმიტომ არ მომხდარა, რომ რომ ეს სრულყოფილი შესრულება იყო.

მომღერალი მელოდიას და ტონალობას სრულად იყო აცდენილი და მაღალი ბგერების აღებისას ხმაც კი უწყდებოდა.

ამ მართლაც გასაოცარ შესრულებას უამრავი კომენტარი მოჰყვა სოციალურ ქსელებში:

• "ვინ იხდის რეალურად მის მუსიკის მოსასმენაში ფულს?!"
• "აი, როგორ ჟღერს "გრემის" ნომინანტი მუსიკალური თანხლების გარეშე"
• "ყურებიდან სისხლი მომდის"...

მოამზადა ანასტასია შალიკაშვილმა