პარტნიორები:
ავტორი:

შუმახერების დინასტიის გამარჯვებები, ტრაგედია, სკანდალები, ბრძოლა - "ფორმულა 1"-ის ლეგენდა, “სკანდალური“ ძმა, შვილები და მეუღლე, რომელმაც ქმრისთვის ყველაფერი დათმო

შუმახერების დინასტიის გამარჯვებები, ტრაგედია, სკანდალები, ბრძოლა - "ფორმულა 1"-ის ლეგენდა, “სკანდალური“ ძმა, შვილები და მეუღლე, რომელმაც ქმრისთვის ყველაფერი დათმო

ლეგენდარული მიხაელ შუმახერი 2013 წელს მომხდარი სათხილამურო ტრაგედიის შემდეგ სიცოცხლისთვის იბრძვის და რეაბილიტაციის კურსს გადის. ის მედიასთან არ თანამშრომლობს, მისი მეუღლე კი იშვიათად აქვეყნებს მრბოლელის შესახებ სიახლეებს.

მიხაელის ძმამ, 49 წლის რალფმა კი ახლახანს მისი სექსუალური ორიენტაციის შესახებ საჯაროდ ისაუბრა. შვიდგზის მსოფლიო ჩემპიონის, მიხაელ შუმახერის უმცროსმა ძმამ "ინსტაგრამზე" პარტნიორთან ერთად გადაღებული ფოტო გამოაქვეყნა და აღიარა, რომ მასთან სასიყვარულო ურთიერთობა აქვს.

"ყველაზე მშვენიერი ცხოვრებაში ისაა, როცა გვერდით შესაფერისი პარტნიორი გეგულება და მასთან ყველაფრის გაზიარება შეგიძლია", - წერს შუმახერი.

სწორედ მისმა განცხადებამ დააბრუნა შუმახერების ოჯახი საზოგადოების ყურადღების ცენტრში.

მიხაილის ცოლი - კორინა კი ყველაზე გავლენიანი ადამიანია შუმეხერების ოჯახში, რომელმაც ქმრის გამო ყველაფერი დათმო და მთელ დროს მხოლოდ მის ახლობლებზე ზრუნვისთვის ანაწილებს.

MailOnline-მა დაწვრილებით დაათვალიერა "ფორმულა 1"-ის ჩემპიონის პირადი ცხოვრება და ოჯახური კულისები.

  • მაიკლ შუმახერი - "ფორმულა 1"-ის ლეგენდა, ტრაგედია სათხილამურო ტრასაზე და ცოლის ურყევი სიყვარული, რომელიც მისთვის დღემდე იბრძვის

გერმანელმა ლეგენდამ 1994-2004 წლებში მოიგო შვიდი მსოფლიო ჩემპიონატი. თუმცა, 2013 წლის 29 დეკემბერს, მისი ცხოვრება მყისიერად შეცვალა ტრაგიკულმა შემთხვევამ. შუმახერმა, რომელიც 15 წელზე მეტი ხნის განმავლობაში ოსტატურად მართავდა მსოფლიოს ყველაზე სწრაფ და სახიფათო მანქანებს, 43 წლის ასაკში, 2012 წელს კარიერა დაასრულა.

ერთი წლის შემდეგ, საფრანგეთის ალპებში სრიალისას კლდეს შეეჯახა, რამაც თავის კრიტიკული დაზიანებები გამოიწვია. მას თავის ტვინზე ორი ოპერაცია გაუკეთეს, მაგრამ 2014 წლის პირველი რამდენიმე თვის განმავლობაში კრიტიკულ მდგომარეობაში, კომაში იმყოფებოდა. სპორტის ლეგენდა სიკვდილს სასწაულებრივად გადაურჩა, თუმცა დღემდე გადის რეაბილიტაციას და ყოველდღიურ ცხოვრებაში ცოლის დახმარება ესაჭიროება. ის დღემდე შვეიცარიაში მდებარე ვილაში ცხოვრობს.

  • რალფ შუმახერი - “სკანდალური“ ძმა, რომელმაც F1-ის მწვერვალს მიაღწია, დაქორწინდა Playboy-ის მოდელზე და შემდეგ განაცხადა, რომ გეი ურთიერთობაშია

რალფ შუმახერსაც რბოლაში წარმატებული კარიერა ჰქონდა. მაგრამ მისი მიღწევები უფროსმა ძმამ, მიხაილ შუმახერმა გადაფარა. თუმცა, რალფისთვის ეს დისკომფორტი არასდროს ყოფილა. პირიქით, მედიასთან ყოველთვის ზახს უსვამდა, რომ მისი უფროსი ძმა ნამდვილი ლეგენდა იყო.

1995 წელს რალფმა იაპონიაში Formula Nippon რბოლის სერია მოიგო, 1997 წელს კი სეზონის F1-ის ბილეთი მოიპოვა. რბოლაში იასპარეზა 11 წელი და მოიგო ექვსი გრან პრი. რალფმა მოტოსპორტი მის ძმასთან ერთად 2012 წლის ბოლოს დატოვა და წარმატებული პოსტ-რბოლის კარიერა განაგრძო. როგორც ამბობენ, საბედისწერო შემთხვევის შემდეგ, მან ძმის ოჯახთან კონტაქტი გაწყვიტა.

მან ახლახან ღიად განუცხადა მედიას, რომ გეი ურთიერთობაშია თავის ბიზნეს მენეჯერთან, ნიცაში მცხოვრებ ეტიენთან. იქამდე “სკანდალური“ შუმახერი 14 წლის განმავლობაში დაქორწინებული იყო Playboy-ის მოდელ კორა-კეროლინ ბრინკმანზე. ისინი ერთმანეთს 2015 წელს დაშორდნენ.

მათ შეეძინათ ვაჟი - დავითი, რომელიც ახლა 22 წლისაა და ასევე მრბოლელია.

  • მიკ შუმახერი - ერთგული ვაჟი, რომელიც მამის კვალს გაჰყვა

მიხეილ შუმახერის ვაჟი მიკ შუმახერი, ტრაგიკული შემთხვევის დროს სულ რაღაც 14 წლის იყო. ფაქტს ის პირადად შეესწრო. მან უკვე მოიპოვა ტიტულები "ფორმულა 3"-ისა და "ფორმულა 2"-ის უმცროს კატეგორიებში. ის 2024 წლის FIA მსოფლიო ჩემპიონატზე Alpine-ისთვის ასპარეზობს და რჩება F1 სარეზერვო მძღოლად.

მიკი უკიდურესად მეგობრული პიროვნებაა და მიუხედავად მისი ვალდებულებისა, შეინარჩუნოს მამის მდგომარეობის კონფიდენციალურობა, მაინც ხშირად საუბრობს მამასთან ურთიერთობაზე. მისი თქმით, მამა ყოველთვის ეუბნებოდა: “აკეთე ის, რაც გიყვარს“... 2018 წელს მიკმა აღწერა მამამისი, როგორც "მისი კერპი".

მიკი 23 წლის დანიელ მოდელ ლაილა ჰასანოვიჩს ხვდება. ლაილა და მიკი რეგულარულად უზიარებენ ფოტოებს თავიანთ ოთხ მილიონზე მეტ გამომწერს.

  • დევიდ შუმახერი - დამანგრეველი ავტოკატასტროფა და დაზიანებული ხერხემალი

რალფ შუმახერისა და კორას ვაჟი - დევიდი ბიძაშვილთან, მიკთან ერთად კარტინგების ტრასაზე გაიზარდა. დევიდი ასპარეზობდა "ფორმულა 4"-ისა და "ფორმულა 3"-ის რბოლებში, მაგრამ დიდი წარმატებისთვის არასდროს მიუღწევია.

მან რბოლა 2022 წელს მიატოვა და აპირებდა გადასულიყო გერმანიის ტურისტული მანქანების ჩემპიონატში DTM. თუმცა ჰოკენჰაიმრინგზე საშინელი ავარია განიცადა. ის თანამემამულე მრბოლელ თომას პრეინგს შეეჯახა, ავტომობილს ცეცხლი გაუჩნდა. დევიდი სასწაულებრივად გადარჩა: ავარიის შედეგად ხერხემალი დაუზიანდა. შესაძლოა რბოლას ვერასდროს დაბრუნებოდა, თუმცა რალფის ვაჟი გამოჯანმრთელდა და დაბრუნება გადაწყვიტა.

  • კორინა შუმახერი - “მფარველი ანგელოზი“, რომელსაც მიხაილი იქამდე შეუყვარდა, ვიდრე მსოფლიო ვარსკვლავი გახდებოდა

"მე ის ყოველდღე მენატრება, მაგრამ მაიკლი აქ არის", - თქვა შუმახერის მეუღლემ კორინამ, როდესაც 2021 წლის Netflix-ის დოკუმენტურ ფილმში რვაწლიანი დუმილი დაარღვია. ტრაგედიის შემდეგ, კორინამ, რომელიც 29 წლის იყო, აიღო მთლიანი პასუხისმგებლობა ოჯახზე, ფინანსებზე და ქმრის ჯანმრთელობაზე. თუმცა, ტრაგედიამდე ის იყო მისი ქმრის წარმატების განუყოფელი ნაწილი.

კორინა სპორტით იყო დაკავებული. მან ცხენოსნობა აირჩია და 2010 წელს ევროპის ჩემპიონატიც მოიგო. გარდა ამისა, იყო გონიერი ბიზნესმენი, რომელიც ქმარს ინვესტირებაში ეხმარებოდა.

ის მრბოლელს საერთო მეგობარმა 1991 წელს გააცნო. სულ რაღაც ოთხი წლის შემდეგ, ისინი დაქორწინდნენ.

“მე შემიყვარდა მხოლოდ იმიტომ, რომ ის შესანიშნავი ადამიანი იყო. ვგრძნობდი, რომ ის რაღაც განსაკუთრებული იყო ჩემთვის“, -განაცხადა კორინამ შოუში.

თავის მხრივ, შუმახერი ძალიან აფასებდა მეუღლეს და ღიად აცხადებდა, რომ ისინი ერთად იღებდნენ ყველანაირ გადაწყვეტილებებს.

  • ჯინა-მარია შუმახერი - ქალიშვილი, რომელიც დედის კვალს გაჰყვა

26 წლის ჯინა-მარია დედის კვალს გაჰყვა და ცხენოსნობა არჩია. მისი თქმით, ცხენებთან მუშაობა აძლევდა ძალას, რომ მამის ტრაგედია დაევიწყებინა და ცხოვრება გაეგრძელებინა. დედა-შვილი ფლობენ რანჩოს შვეიცარიის ქალაქ გივრინსში, რომელიც 2005 წელს მათ მიხაელმა აჩუქა. სწორედ იქ უვლიან ცხენებს.

ჯინა-მარია უაღრესად წარმატებული მხედარია და მოგებული აქვს მრავალი შეჯიბრი, მათ შორის 2017 წელს შვეიცარიაში გამართული FEI მსოფლიო ჩემპიონატი. 2018 წლის თებერვალში, მან მოიპოვა ოქროს მედალი და სათავეში ჩაუდგა მსოფლიო ჩემპიონატს უმცროსი მხედრებისთვის.

ჯინა-მარია ახლა ძირითადად შვეიცარიაში თავის საქმროსთან, 27 წლის იან ბეტკესთან ერთად ცხოვრობს. წყვილი ქორწილს უახლოეს მომავალში, მალიორკაში მდებარე ვილაში გეგმავს.

ასევე იხილეთ:

ტეგები თემაზე: