"ის თავს შეურაცხყოფილად გრძნობს, შურისძიებით არის სავსე... ქორწილის ხარჯი მხოლოდ ჯეილომ დაფარა" - ჯენიფერი ლოპესი ბენ აფლეკზე სასტიკი შურისძიებისთვის ემზადება

ჯენიფერ ლოპესისა და ბენ აფლეკის გარშემო სკანდალური ჭორები არ წყდება. ყვითელი მედია წერს, რომ ისინი მალე ოფიციალურად განქორწინდებიან და ჯეი ლო წინასწარ ფიქრობს, რას მოითხოვს გაყოფის შემთხვევაში. ზოგიერთი ტაბლოიდი მათ უკვე ყოფილ ცოლ-ქმარს უწოდებს და წერენ, რომ ბენიფერს შორის ურთიერთობა სულ უფრო იძაბება.

გამოცემა Radar-ის ცნობით, ახლა მთავარი საკითხი, რომელიც ჯენიფერს აწუხებს, ქონების გაყოფის თემაა. ინსაიდერის ინფორმაციით, ლოპესი აფლეკს საერთო ქონებიდან ნახევარს მოსთხოვს. გამოცემა წერს, რომ სწორედ ლოპესმა დაფარა ქორწინების დროს ხარჯების უმეტესი ნაწილი. მისი თქმით, აფლეკს მისი ვალი აქვს.

• "ქორწილის დროს ჯენიფერმა გადაიხადა თანხა კერძო თვითმფრინავების ქირაობისთვის, ასევე სასტუმროების, საკვების, ტანსაცმლის, ყავისა და ბუნებრივი აირის ფული", - ამბობს წყარო.

რაც შეეხევა ლოს-ანჯელესში შეძენილ ქონებას, რომელსაც მომღერალმა "ოცნების სახლი" უწოდა, მასში ლოპესმა გაცილებით დიდი თანხა გადაიხადა, ვიდრე ქმარმა. ახლა კი ჯენი ცდილობს ყველაფერი უკან დაიბრუნოს, რაც მას ეკუთვნის.

• "ის თავს სერიოზულად შეურაცხყოფილად გრძნობს, შურისძიებით არის სავსე. აფლეკი ქორწინებაში კარგი ბიჭის როლში რომ დარჩენილიყო, ყველაფერი კარგად იქნებოდა. მაგრამ მან საყვარელი ქალი მიატოვა. ამიტომ ახლა ის მზად არის ბრძოლისთვის. "- ამბობს ინსაიდერი.

ბენმა და ჯეი ლომ რომანი 2001 წელს დაიწყეს. მამაკაცმა საყვარელ ქალს ქორწინება შესთავაზა, მაგრამ მოულოდნელად დაგეგმილი ქორწინება გააუქმეს. 20-წლიანი პაუზის შემდეგ კი 2022 წელს დაქორწინდნენ.

მსახიობების განქორწინების შესახებ ჭორები უკვე რამდენიმე თვეა ვრცელდება. ისინი საზოგადოებაში ერთად აღარ ჩნდებიან და ცალ-ცალკე ცხოვრობენ. თუმცა, ჯერჯერობით არცერთს ოფიციალურად არ დაუდასტურებია ინფორმაცია დაშორების შესახებ.

ერთ-ერთი ვერსიით, წყვილს შორის უთანხმოება ჯენიფერის ზედმეტ საჯაროობას მოჰყვა. ბენი, რომელსაც არ უყვარს მედიასთან ურთიერთობა, მეუღლის გამო, იძულებული იყო, რომ ფოტოგრაფების წინ ეპოზიორა, თუმცა ეს არც ისე კარგად გამოსდიოდა.