თვითმფრინავში მამაკაცმა გაიხადა და მოშარდა - რა მოხდა American Airlines-ის რეისზე, რის გამოც მფრინავი იძულებული გახდა, საგანგებო დაშვება განეხორციელებინა

ფედერალური პროკურორების განცხადებით, ნასვამმა მგზავრმა American Airlines-ის რეისის მფრინავები აიძულა, ბუფალოში საგანგებო დაშვება განეხორციელებინათ, მას შემდეგ, რაც მან თვითმფრინავის დერეფანში გაშიშვლება და მოშარდვა დაიწყო.

როგორც სასამართლო დოკუმენტებშია აღნიშნული, 25 წლის ორეგონელმა ნილ მაკკარტიმ პოლიციასთან ყველაფერი აღიარა და თქვა, რომ შარდვასთან დაკავშირებული სამედიცინო პრობლემა აქვს.

მაკკარტიმ პოლიციას უთხრა, რომ მთელი მგზავრობის განმავლობაში ბევრს სვამდა. პორტლენდში, პირველ რეისზე ასვლამდე ჯეკ დენიელსისა და კოკა კოლას ნარევი დალია.

ფედერალური პროკურორების განცხადებით, American Airlines-ის ბორტგამცილებელმა დაინახა, თუ როგორ გაიხადა მაკკარტიმ თვითმფრინავში და მოშარდა - ხოლო ერთმა მგზავრმა ამ დროს მას ფოტო გადაუღო.

თვითმფრინავი ბუფალოს ნიაგარას საერთაშორისო აეროპორტში გადამისამართდა, სადაც მაკკარტი დააკავეს.

მაკკარტი ოთხშაბათს, ბუფალოს ფედერალურ სასამართლოში, აშშ-ს მაგისტრატი მოსამართლის მოსმენის შემდეგ გაათავისუფლეს.

როგორც American Airlines-მა განაცხადა, რეისმა ბუფალოდან გაფრენა მაკკარტის დაკავებიდან და მისი თვითმფრინავიდან ჩაყვანიდან მალევე შეძლო.

"მადლობას ვუხდით ჩვენი გუნდის წევრებს მათი პროფესიონალიზმისთვის, ჩვენს მგზავრებს კი - გაგებისთვის", - ნათქვამია ავიაკომპანიის განცხადებაში.

წყარო