ხმამაღალი მადლობა და ზღვა ემოციები: ეროვნული ნაკრები თბილისშია - კადრები აეროპორტიდან
საქართველოს ფეხბურთელთა ეროვნული ნაკრები თბილისში დაბრუნდა. თვითმფრინავი დედაქალაქში 09:10 საათზე დაეშვა. დილიდან აეროპორტში ქომაგები არიან შეკრებილი. ემოციური იყო ნაკრების წევრების ქომაგებთან შეხვედრა, ისმოდა შეძახილები და სიმღერა, "ზღაპრის ბოლო კეთილია". ქომაგები აეროპორტში, დილიდან, დროშებითა და სანაკრებო მაისურებით მივიდნენ. ფეხბურთელებმა ტერიტორია ავტობუსით დატოვეს.
- ასევე საქართველოს მთავრობის ადმინისტრაციის ინფორმაციით, 2 ივლისს, 22:00 საათზე გულშემატკივარი თავისუფლების მოედანზე შეიკრიბება.
"ერთად შევხვდეთ და ერთად ვუთხრათ მადლობა ჩვენს საფეხბურთო ნაკრებს. ერთად შევასრულოთ საქართველოს ჰიმნი და ერთად აღვნიშნოთ ქართული საფეხბურთო სასწაული", - ნათქვამია ინფორმაციაში.
მანამდე, 21:30 საათზე, საფეხბურთო ნაკრები, მიხეილ მესხის სტადიონიდან ღია ავტობუსით თავისუფლების მოედნისკენ მსვლელობას დაიწყებს, ხოლო 22:00 საათზე, თავისუფლების მოედანზე - "საქართველოს მადლობა საფეხბურთო ნაკრებს" ღონისძიება გაიმართება.
ფოტოები აეროპორტიდან: გიორგი ჟამერაშვილი, ინტერპრესნიუსი
