ასობით ქართველი გულშემატკივრის მსვლელობა - რა ხდება ამ წუთებში კიოლნის ქუჩებში: ესპანეთი-საქართველოს მატჩამდე ტემპერატურა სულ უფრო მატულობს (ვიდეო)
საქართველო დღეს ევროპის ჩემპიონატის მერვედფინალში ესპანეთს დაუპირისპირდება. მატჩი გერმანიაში, კიოლნში გაიმართება და ის თბილისის დროით 23:00 საათზე დაიწყება.
ასობით ქართველი გულშემატკივარი კიოლნის ქუჩებში მსვლელობას მართავს და ნაკრებს ქომაგობს. ჩვენს ფეხბურთელებს წინა თამაშების მსგავსად, ახლაც უდიდესი მხარდაჭერა ექნება უშუალოდ მოედანზე.
ცნობისთვის, საქართველოს ეროვნული ნაკრები ევროპის ჩემპიონატზე პირველად თამაშობს. ჩვენი გუნდის სადებიუტო ნაბიჯები სპორტულ მედიაში სენსაციად შეფასდა, რადგან ჯგუფურ ეტაპზე პორტუგალიის უძლიერესი ნაკრები დაამარცხა, ფრე ითამაშეს ჩეხეთთან და დაძაბულ ბრძოლაში დამარცხდნენ თურქეთთან. საბოლოო ჯამში კი ჯგუფური ეტაპის დაძლევა შეძლეს.
- ნახეთ ვიდეო, რა ხდება ამ წუთებში კიოლნის ქუჩებში.