მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გულნატკენ" პრინც ჰარის მეფე ჩარლზისა და ქეით მიდლტონის ჯანმრთელობის შესახებ ინფორმაციას არ აწვდიან - "სამეფო ოჯახი არ ენდობა ჰარის..."
10:07 / 29-06-2024
სამეფო ოჯახზე შექმნილი წიგნის ავტორის თქმით, პრინცი ჰარი "გულნატკენი" იქნება იმის გამო, რომ მეფე ჩარლზისა და პრინცესა ქეითის კიბოს მკურნალობის შესახებ ინფორმირებული არ არის.
- სასექსის ჰერცოგი და ჰერცოგინია სავარაუდოდ, წლევანდელ "ფერების აღლუმზე" არ მიიწვიეს, მიუხედავად იმისა, რომ ამ ღონისძიებას სამეფო ოჯახის ბევრი წევრი ესწრებოდა.
Fabulous-თან საუბრისას, ფილ დემპიერმა თქვა: "არანაირი შანსი არ არსებობს, რომ მეფე ან პრინცი უილიამი ჰარის კიბოს მკურნალობის დეტალებს გაუზიარებდნენ. ისინი უბრალოდ, არ ენდობიან მას და ეშინიათ, რომ ნებისმიერი რამ, რასაც ჩარლზის ან კეტრინის შესახებ ეტყვიან, საჯარო სივრცეში აღმოჩნდება: პრესაში, პოდკასტში ან სოციალურ მედიაში. ყველამ ვიცით, ბოლო ორი წლის განმავლობაში რამდენად გაუარესდა ურთიერთობები და ვშიშობ, შერიგების შანსის გაჩენასაც კი ძალიან დიდი დრო დასჭირდება.
თუ ჰარი თავს გარიყულად გრძნობს და იზოლირებულად გრძნობს, ვშიშობ, ეს მისი ბრალია. ჰარი შეიძლება გულნატკენი იყოს, რომ თავისი ოჯახისგან ამბავს ვერ იგებს, მაგრამ ეს მხოლოდ საკუთარ თავს უნდა დააბრალოს".
ფილმა, რომელიც არის წიგნის "Royally Suited: Harry and Meghan in Their Own Words" ავტორი, აღნიშნა, რომ მაისში, გაერთიანებულ სამეფოში ოთხდღიანი ვიზიტისას, პრინცი ჰარი თავის მამას ან ძმას არ შეხვედრია. სასექსის ჰერცოგის წარმომადგენელმა აღნიშნული მეფე ჩარლზის გადატვირთულ განრიგს მიაწერა.
ფილის თქმით, რაც შეეხება პრინც უილიამს, მისი მთავარი პრიორიტეტი ქეითის დაცვაა.
"უილიამის მთავარი პრიორიტეტია, დაიცვას კეტრინი ნებისმიერი სტრესისა და უსიამოვნებისგან. მეფეც არ არის განწყობილი, არაპროგნოზირებად ჰარისთან რაღაც ემოციური ამერიკული მთები გაიაროს. მინდა ვიფიქრო, რომ რაღაც მომენტში ჰარიმ გააცნობიერა, რომ მან სამუდამოდ დააზიანა ურთიერთობა თავის სისხლით ნათესავებთან, მაგრამ ამაზე ფსონს არ დავდებდი. ეს ძალიან სამწუხაროა, რადგან ჰარი ოდესღაც ძალიან პოპულარული იყო, მეფე კი თავის შვილიშვილებს ვერ ხედავს".
პრინცესა ქეითმა ცოტა ხნის წინ ჯანმრთელობის პროგრესის შესახებ ინფორმაცია გამოაქვეყნა. მან “ინსტაგრამზე” დაწერა, რომ მხარდაჭერის გზავნილებით გაოცებული და მადლიერია და ის პროგრესს განიცდის.
“მაგრამ, როგორც ნებისმიერმა ადამიანმა, ვინც ქიმიოთერაპიას გადის, იცის, რომ არსებობს კარგი დღეები და ცუდი დღეები. იმ ცუდ დღეებში თავს სუსტად გრძნობ, დაღლილი ხარ და შენს სხეულს დასვენების საშუალება უნდა მისცე. მაგრამ კარგ დღეებში, როცა თავს უფრო ძლიერად გრძნობ, გინდა, კარგად ყოფნის ეს შეგრძნება მაქსიმალურად გამოიყენო”, - დაწერა ქეითმა. მისი თქმითვე, მკურნალობა გრძელდება და კიდევ რამდენიმე თვე გაგრძელდება.
მისი სიმამაცე პრინცმა უილიამმა და მეფე ჩარლზმა შეაქეს, რომლებმაც საკუთარი განცხადებები გამოაქვეყნეს.
რაც შეეხება მეფეს, ჩარლზმა გადიდებული პროსტატის გამო ლონდონის კლინიკაში მაკორექტირებელი პროცედურა გაიარა. სასახლის ცნობით, მეფე ჩარლზის მდგომარეობა საჯარო მოვალეობებთან დასაბრუნებლად შესაბამისად ჩაითვალა.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
