"საქართველოსთან დამარცხების შემდეგ, რონალდუმ ძლივს აარიდა თავი გაგიჟებულ გულშემატკივარს" - რა კადრები ვრცელდება მოედნიდან
საქართველოსთან დამარცხების შემდეგ, რონალდუმ ძლივს აარიდა თავი გაგიჟებულ გულშემატკივარს - კადრებში ჩანს, რომ ფეხბურთელი მოედანს ტოვებს, რა დროსაც მას უცნობი მამაკაცი უახლოვდება. გულშემატკივარი პორტუგალიელ სუპერვარსკვლავთან მიახლოებას უფრო ცდილობდა, ვიდრე ზიანის მიყენებას. უეფა საქმეზე გამოძიების დაწყებას გეგმავს.
<blockquote class="twitter-tweet" data-media-max-width="560"><p lang="en" dir="ltr">This is crazy.<a href="https://t.co/Rc1eLon23D">pic.twitter.com/Rc1eLon23D</a></p>— The CR7 Timeline. (@TimelineCR7) <a href="https://twitter.com/TimelineCR7/status/1806154168077373672?ref_src=twsrc%5Etfw">June 27, 2024</a></blockquote> <script async src="https://platform.twitter.com/widgets.js" charset="utf-8"></script>ზედმეტად გულმოდგინე გულშემატკივრები ყოველთვის პრობლემას წარმოადგენდნენ 39 წლის სპორტსმენისთვის, რომელიც პლანეტის ერთ-ერთი ყველაზე ცნობილი ადამიანია.
ცნობილი ფაქტია, რომ რონალდუ ფანებთან თბილი ურთიერთობით არ გამოირჩევა - თურქეთის ნაკრების დამარცხების შემდეგ, ფეხბურთელს ერთ-ერთი გულშემატკივარი მიუახლოვდა ფოტოს გადასაღებად, მან კი იგი უხეში ჟესტით მოიცილა.
შეგახსენებთ, რომ ევროპის ჩემპიონატის ბოლო, მესამე ტურში, F ჯგუფში, საქართველოს ნაკრები პორტუგალიას დაუპირისპირდა და დაამარცხა, ანგარიშით 2:0. პირველი ტაიმი ქართველების აქტიურობით დაიწყო, რაც მე-2 წუთზე ხვიჩა კვარაცხელიას გოლით გაგრძელდა.
მან პორტუგალიელების კარი მიქაუტაძის გადაცემის შემდეგ აიღო. ამის შემდეგ პორტუგალიელები ინიციატივას დაეუფლნენ და უპირატესობაც მათ მხარეს იყო, თუმცა ჩვენები კარგად იცავდნენ თავს. მე-16 წუთზე თამაშში ჩართვა მოუწია გიორგი მამარდაშვილს, რომელმაც რონალდუს უძლიერესი დარტყმა მოიგერია.
57-ე წუთზე კი პორტუგალიის კარში პენალტი გიორგი მიქაუტაძემ გაიტანა. ეს მისი მე-3 გოლია ჯგუფურ ეტაპზე. პორტუგალიელებმა საკუთარ საჯარიმოში ლუკა ლოჩოშვილი წააქციეს, VAR-ზე გადამოწმების შემდეგ მსაჯმა თერთმეტმეტრიანი დანიშნა, რაც ზუსტად შეასრულა მიქაუტაძემ.