მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართველი ფეხბურთელი პოლონური ცხოვრებით, ნათელმირონობა საბა ლობჟანიძესთან და შვილი, რომელმაც "მავნე ჩვევას" გადააჩვია - ოთარ კაკაბაძის სპორტული გზა
13:37 / 26-06-2024
საქართველოს ნაკრების 28 წლის მარჯვენა მცველი, ოთარ კაკაბაძე 2021 წლიდან პოლონეთის გუნდ "კრაკოვიაში" თამაშობს.
186 სმ სიმაღლის სპორტსმენმა თამაში ტრადიციულად "დინამოს" ახალგაზრდულ გუნდში დაიწყო. მისი პირველი ტრანსფერი კი ესპანეთში განხორციელდა. 2016-2018 წლებში კაკაბაძემ Club Gimnastic de Tarragona-ში (ესპანეთის მე-2ლიგა) ითამაშა. ნახევარწლიანი შესვენების შემდეგ კი დანიის უმაღლეს ლიგის გუნდში Esbjerg fB-ში გადავიდა.
ესპანეთიდან სათამაშოდ შვეიცარიის უმაღლესი ლიგის კლუბ FC Luzern გადავიდა, სადაც 2020 წლამდე დარჩა, თუმცა ერთი წლით ისევ ესპანეთს დაუბრუნდა და მეორე ლიგის ესპანურ კლუბ CD Tenerife გააგრძელა თამაში. 2021 წლიდან კაკაბაძე ოჯახთან ერთად პოლონეთში ცხოვრობს და კონტრაქტი 2027 წლამდე გაუგრძელეს.
ოთარ კაკაბაძეს თბილისის დინამოსთან ერთად მოგებული აქვს საქართველოს ორი თასი (2015, 2016 წლებში), ასევე საქართველოს ორი სუპერთასი (2015, 2016 წლებში) და ეროვნული ჩემპიონატი (2016 წელს). მისი ამჟამინდელი საბაზრო ღირებულებაა 600 000 ევროა. ყველაზე მაღალი ფასი - 1 მილიონი ევრო ოთარ კაკაბაძე 2018 წლის 12 მარტს ღირდა.
ევროპის ჩემპიონატის დაწყებამდე, მშობლიურ ნაკრებში გამოძახების შემდეგ, კაკაბაძესთან პოლონურმა მედიამ ვრცელი ინტერვიუ გამოაქვეყნა. გთავაზობთ საინტერესო მომენტებს.
"პირველ მატჩს ყველა აღფრთოვანებული ველოდით, რადგან მწვრთნელის გარდა, ევროზე არცერთს არ გვითამაშია. მოლოდინი? ჩვენ გვინდა, რომ ყველა მატჩში ვიბრძოლოთ და ჯგუფიდან გავიდეთ, აქ მხოლოდ 3 მატჩისთვის არ მოვსულვართ. გუნდში ბევრი ახალგაზრდა გვყავს, ასევე ბევრი ახალგაზრდა ბიჭი თამაშობს ევროპის ტოპ კლუბებში. ჩვენ გვაქვს პოტენციალი ვითამაშოთ მსოფლიო ჩემპიონატზე ან მომავალ ევროზე.“
ჟურნალისტის კითხვაზე როგორ მიიღო "კრაკოვიასთან" კონტრაქტის გახანგრძლივების გადაწყვეტილება ამბობს:
"მოლაპარაკებები 2-3 თვე გაგრძელდა. ჩემთვის ადვილი არ იყო, მაგრამ რაღაც მომენტში დასასრულამდე მივიდა. ჩემი ოჯახი აქ არის და გადაადგილება ადვილი არ იქნება. აქ ძალიან კარგად ვცხოვრობთ. ამიტომ მიხარია აქ თამაშის გაგრძელება.
შესანიშნავი მწვრთნელი გვყავს, რომელსაც კარგი კონტაქტი აქვს ფეხბურთელებთან და სიამოვნებით ვმუშაობთ მასთან. ეს სეზონი, უკმაყოფილოები ვართ ჩვენი თამაშით, მაგრამ ვფიქრობ, რომ მწვრთნელთან ერთად მომავალ სეზონში ბევრად მეტის მიღწევა შეგვიძლია".
ჟურნალისტის კითხვაზე ვის წაიყვანდა საქართველოს ნაკრებიდან "კრაკოვიაში" სათამაშოდ, კაკაბაძემ ხვიჩა კვარაცხელია დაასახელა. ხოლო არჩევანის შემთხვევაში რომელ ფეხბურთელს დაუმატებდა საქართველოს ნაკრებს, ბარსელონას ფორვარდი რობერტ ლევანდოვსკი აირჩია.
პირადი ცხოვრება
ოთარ კაკაბაძემ მარიამ ჩავლეიშვილზე 2019 წელს იქორწინა. წყვილს ჯვარი თბილისში, ვაკის სამების ეკლესიაში მამა შალვამ დასწერა.
კაკაბაძის პატარა ოჯახი პოლონეთში ცხოვრობს. წყვილი პატარა იოანეს ზრდიან.
იოანეც თბილისში ვაკის სამების ეკლესიაში მოინათლა, მისი ერთ-ერთი ნათლია ნაკრების წევრი საბა ლობჟანიძეა.
სპორტულ მედია europop-თან ინტერვიუში ამბობს, რომ იოანეს გაჩენამ ფლეისთეიშენის თამაშს დაანებებინა თავი. ახლა თავისუფალ დროს მხოლოდ შვილს უთმობს.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
