"ვიბრძოლებთ ბოლო წამამდე. ერთად ყველაფერი შეგვიძლია!" - ზურიკო დავითაშვილის მიმართვა გულშემატკივარს
ევროპის ჩემპიონატზე ჩეხეთთან მატჩის შემდეგ, ეროვნული ნაკრების ფეხბურთელი, ზურიკო დავითაშვილი სოციალურ ქსელში პოსტს აქვეყნებს და გულშემატკივარს მიმართავს:
"როგორც თითოეული თქვენგანი, ამაყი ვარ, რომ ჩვენ აქ ვართ. მადლობა ამ საოცარი გარემოსა და გულშემატკივრობისთვის.
ვიბრძოლებთ ბოლო წამამდე. ერთად ყველაფერი შეგვიძლია!", - წერს დავითაშვილი.
ცნობისთვის, ევროპის ჩემპიონატის ჯგუფურ ეტაპზე საქართველოს ნაკრების მეორე ტურში ჩეხეთს დაუპირისპირდა. მატჩი ანგარიშით 1-1 დასრულდა. ჩვენი გუნდიდან 11-მეტრიანი დარტყმა ზუსტად შეასრულა გიორგი მიქაუტაძემ. განსაკუთრებით აღსანიშნავია მეკარის, გიორგი მამარდაშვილის თამაში. მან 11 სეივი შეასრულა და მატჩის საუკეთესო ფეხბურთელად დასახელდა.
გარდა ამისა, "მამარდა" ტურის სიმბოლურ გუნდშიც მოხვდა.