მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ფეხბურთის იტალიელი ლეგენდა, რობერტო ბაჯო ჰოსპიტალიზებულია - ფეხბურთელის ვილაში შეჭრილმა მძარცველებმა ბაჯოს იარაღის კონდახი ჩაარტყეს და...
12:29 / 21-06-2024
20 ივნისის საღამოს, იტალიასა და ესპანეთს შორის ევრო 2024-ის მატჩის დროს, ფეხბურთის იტალიელი ლეგენდის, რობერტო ბაჯოს სახლში შეიარაღებული მძარცველები შეიჭრნენ.
- 57 წლის ბაჯო ჩრდილოეთ იტალიის პატარა ქალაქში, ალტავილა ვიჩენტინაში, რომელიც ვენეციიდან დაახლოებით ერთი საათის სავალზეა, თავის სახლში იმყოფებოდა, როდესაც, ადგილობრივი დროით დაახლოებით 22:00 საათზე, ვილაში ხუთკაციანი ბანდა შეიჭრა.
როდესაც ბაჯომ მძარცველებთან შეწინააღმდეგება სცადა, მას თავში იარაღის კონდახი ჩაარტყეს, შემდეგ კი ისიც და მისი ოჯახიც ერთ-ერთ ოთახში ჩაკეტეს. ყაჩაღებმა მოიპარეს საათები, სამკაულები და ფული. წაღებული ქონების საერთო ღირებულება ჯერჯერობით უცნობია.
- ბაჯომ ოთახიდან თავისი ოჯახის გამოყვანა შეძლო, მაგრამ იმ დროისთვის მძარცველები უკვე გაქცეულები იყვნენ. Corriere della Sera-ს ცნობით, ძარცვა 40 წუთის განმავლობაში გრძელდებოდა.
გამომძიებელ პოლიციელებს ვიდეოთვალის ჩანაწერები გადაეცათ.
ამასობაში, შუბლის დაზიანების სამკურნალოდ ბაჯოს არზინიანოს საავადმყოფოში წასვლა მოუწია. მას ნაკერები დაადეს.
მიუხედავად იმისა, რომ ვეტერანი ფეხბურთელის ოჯახის წევრებს არაფერი დაშავებიათ, ადგილობრივი მედიის ცნობით, ისინი ამ ინციდენტის გამო ჯერ კიდევ შიშის ქვეშ იმყოფებიან.
ბაჯომ თავისი 22-წლიანი სპორტული კარიერა იტალიაში გაატარა, თამაშობდა ქვეყნის სამ ყველაზე ტიტულოვან კლუბში: “იუვენტუსში”, “მილანსა” და “ინტერში, ასევე სხვა პატარა კლუბებში. ამ დროის განმავლობაში ორჯერ მოიგო იტალიის ჩემპიონატი - სერია A.
ფეხბურთის თამაშის პროფესიონალურად დაწყებიდან სულ სამი წლის შემდეგ, 1985 წელს მიღებულმა ტრავმამ მის კარიერას საფრთხე შეუქმნა. ამ ინციდენტის შემდეგ მან რელიგია შეიცვალა და კათოლიციზმიდან ბუდიზმზე გადავიდა. თუმცა, თავისი კათოლიკური ფესვებიც არ დაუკარგავს, 1989 წელს კათოლიკური წესით იქორწინა დიდი ხნის პარტნიორზე, ანდრეინა ფაბიზე. წყვილს სამი შვილი ჰყავს.
წარმატებული ფეხბურთელობის გარდა, იგი ბიზნესმენიც იყო, ვიჩენცაში ფლობდა სპორტული საქონლის მაღაზია Baggio Sport-ს, რომელიც 2012 წელს, გლობალური ეკონომიკური კრიზისის გამო მიღებული ზარალის შედეგად დაიხურა.
ფეხბურთიდან წასვლის შემდეგ, ბაჯო იტალიის ფეხბურთის ფედერაციის მაღალი რანგის ოფიციალური პირი გახდა და ტექნიკურ განყოფილებას ხელმძღვანელობდა. 2013 წელს, გადადგომის შესახებ განაცხადა, რადგან, მისი თქმით, სპორტული ორგანო ახალგაზრდა ტალანტების აღზრდის შესახებ მის რეკომენდაციებს არ უსმენდა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
