მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ჩრდილოეთ კორეა სამხრეთ კორეასთან სასაზღვრო “კედელს” აშენებს? - რა ჩანს თანამგზავრიდან გადაღებულ ფოტოებზე
16:40 / 23-06-2024
თანამგზავრიდან გადაღებული ფოტოები აჩვენებს, რომ ჩრდილოეთ კორეა სამხრეთ კორეასთან საზღვრის ზოგიერთ ადგილას ისეთ კონსტრუქციებს აშენებს, რაც კედელს ჰგავს.
- BBC Verify-ის მიერ გაანალიზებული გამოსახულებები ასევე მიუთითებს, რომ დემილიტარიზებული ზონის შიგნით მიწა გაწმენდილია, რაც ექსპერტების თქმით, შეიძლება სამხრეთ კორეასთან ხანგრძლივი ზავის დარღვევად იყოს ჩათვლილი.
დემილიტარიზებული ზონა 4 კმ (2.5 მილი) სიგანის ბუფერული ზონაა ჩრდილოეთ და სამხრეთ კორეას შორის, რომლებიც ტექნიკურად კვლავ ომში იმყოფებიან, რადგან სამშვიდობო ხელშეკრულებისთვის ხელი არასდროს მოუწერიათ. ზონა ორადაა გაყოფილი და თითოეული მხარე შესაბამისი ქვეყნის მიერ კონტროლდება.
ექსპერტების თქმით, ეს ბოლოდროინდელი აქტივობა "უჩვეულოა" და ორ ქვეყანას შორის დაძაბულობის ზრდას ემთხვევა.
"ამ ეტაპზე ჩვენ მხოლოდ შეგვიძლია ვივარაუდოთ, რომ ჩრდილოეთ კორეა ცდილობს, საზღვარზე თავისი სამხედრო ყოფნა და სიმაგრეები გააძლიეროს", - აღნიშნავს NK News-ის კორესპონდენტი შრეიას რედი, რომელიც სეულში საქმიანობს.
- BBC Verify-მ მაღალი რეზოლუციის თანამგზავრული გამოსახულებები საზღვრის 7 კმ მონაკვეთისთვის დაუკვეთა, იმ პროექტის ფარგლებში, რომელიც იკვლევს ცვლილებებს, რასაც ჩრდილოეთ კორეა ამ ტერიტორიაზე ახორციელებს.
ეს გამოსახულებები, როგორც ჩანს, აჩვენებს სულ მცირე სამ მონაკვეთს, სადაც ბარიერები დემილიტარიზებული ზონის მახლობლადაა აღმართული, რაც ჯამში საზღვრის აღმოსავლეთ ბოლოსთან ახლოს დაახლოებით 1 კმ-ს ფარავს. შესაძლებელია, რომ ბარიერების მშენებლობა საზღვრის სხვა მონაკვეთებზეც განხორციელდა.
მშენებლობის ზუსტი თარიღი ამ ტერიტორიაზე ადრინდელი მაღალი რეზოლუციის გამოსახულებების ნაკლებობის გამო უცნობია. თუმცა, აღნიშნული სტრუქტურები 2023 წლის ივნისში გადაღებულ ფოტოებზე არ ჩანდა.
"ჩემი პირადი შეფასებით, ეს პირველი შემთხვევაა, როდესაც მათ ადგილების ერთმანეთისგან გამოყოფის მიზნით, ბარიერი ააშენეს", - განუცხადა BBC-ს სეულის პოლიტიკის კვლევების ინსტიტუტის სამხედრო და თავდაცვის ექსპერტმა, დოქტორმა უკ იანგმა.
- "1990-იან წლებში ჩრდილოეთ კორეამ ომის შემთხვევაში ტანკების შესაჩერებლად ტანკსაწინააღმდეგო კედლები ააშენა. მაგრამ ბოლო დროს ჩრდილოეთ კორეა 2-3 მეტრის სიმაღლის კედლებს აშენებს და ისინი ტანკსაწინააღმდეგო კედლებს არ ჰგავს", - აღნიშნავს იანგი.
მისივე თქმით, კედლების ფორმა მიუთითებს, რომ ისინი არ არის დაბრკოლებები მხოლოდ ტანკებისთვის, არამედ, ტერიტორიის დაყოფას ემსახურება.
არსებობს ასევე დემილიტარიზებულ ზონაში ჩრდილოეთ კორეის მხარეს მიწის გაწმენდის მტკიცებულებაც. საზღვრის აღმოსავლეთ ბოლოს უახლესი თანამგზავრული გამოსახულება ახლად შექმნილ გზას აჩვენებს.
"მიწის გაწმენდა შეიძლება ემსახურებოდეს როგორც სამხედრო, ისე არასამხედრო მიზნებს", - ამბობს კორეის უნივერსიტეტის საერთაშორისო უსაფრთხოების პროფესორი, კილ ჯუ ბანი. მისივე თქმით, "ეს საშუალებას იძლევა, ადვილად დაიდგას სადამკვირვებლო პოსტები, რათა ჩრდილოეთ კორეა სამხრეთ კორეაში სამხედრო აქტივობებს დააკვირდეს”.
ზოგიერთი ექსპერტის თქმით, სასაზღვრო ბარიერების აღმართვით ჩრდილოეთი სიგნალს იძლევა, რომ გაერთიანებისკენ არ ისწრაფვის. ექსპერტების ნაწილი იმასაც აღნიშნავს, რომ ეს ქმედება კიმ ჩენ ინის უფრო ფართო ქმედებების ჩარჩოში ჯდება.
ოქსფორდში კორეის ნახევარკუნძულის მკვლევარი, დოქტორი ედვარდ ჰოუელი აღნიშნავს, რომ ჩრდილოეთ კორეა თავსაც კი აღარ აჩვენებს, თითქოს აშშ-სთან ან სამხრეთ კორეასთან სურდეს მოლაპარაკებები, მათ შორის, მოლაპარაკებების დასაწყებად იაპონიის ბოლოდროინდელი მცდელობებიც უკუაგდო.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
