29
მარტიდღის ზოგადი ასტროლოგიური პროგნოზი
Visa-მ დაიწყო თანამშრომლობა TransferGo-სთან, რათა უზრუნველყოს თანხის შეუფერხებელი გადარიცხვები კავკასიაში, ცენტრალურ აზიასა და მოლდოვაში.
ლონდონი, დიდი ბრიტანეთი - 10 ივნისი, 2024 – Visa-მ, მსოფლიო ლიდერმა ციფრულ გადახდებში, და TransferGo-მ, გლობალურმა ფინ. ტექნოლოგიების ლიდერულმა კომპანიამ, გააფართოვეს მათი თანამშრომლობა, რათა უზრუნველყონ შეუფერხებელი საერთაშორისო გადარიცხვები და ხელი შეუწყონ ფინანსიური ინკლუზიურობა კავკასიაში, ცენტრალურ აზიასა და მოლდოვაში.
ეს თანამშრომლობა მიზნად ისახავს საერთაშორისო გადარიცხვების გამარტივებას, რაც საშუალებას მისცემს ევროკავშირში და დიდ ბრიტანეთში მყოფ მომხმარებლებს, გადაურიცხონ თანხა Visa ბარათების მფლობელებს 9 ქვეყანაში - სომხეთი, აზერბაიჯანი, საქართველო, ყაზახეთი, უზბეკეთი, ტაიჯიკეთი, ყირგიზეთი, თურქმენეთი და მოლდოვა. ამ თანამშრომლობის შედეგად, მომხმარებლებს შეუძლიათ მარტივად და იაფად გაუგზავნონ თანხა მათ ოჯახებსა და მეგობრებს ამ რეგიონებში.
Visa-ს დახმარებით, TransferGo აპირებს ოლიმპიური თამაშების თემატიკის კაპმანიის შექმნას, რომელშიც შედის ექსკლუზიური პრიზები მომხმარებლებისთვის, რომლებიც აგზავნიან თანხას Visa ბარათებზე ამ 9 ქვეყანაში. მომხმარებლებს ეძლევათ შანსი, მოიგონ პრიზები, მათ შორის 36 სასაჩუქრე ყუთი ოლიმპიური თამაშების თემატიკით, სამსუნგის 10 ტაბლეტი და ტელეფონი, და ავიახაზის ვაუჩერი £5,000-ის ოდენობით. გარდა ამისა, ყველა ახალ მომხმარებელს, რომელიც შეუერთდება ჩვენს პლატფორმას, მიეცემა ორი უფასო გადარიცხვა.
„Visa მიზნად ისახავს, შექმნას საერთაშორისო გადარიცხვების სწრაფი, მარტივი და უსაფრთხო მეთოდი მისი მომხმარებლებისთვის, რათა შეძლონ თანხის გადარიცხვა მეგობრებისთვის და ოჯახის წევრებისთვის,“ ამბობს მარნი კრუპპა, Visa-ს ფინ. ტექნოლოგიების დირექტორი ევროპაში. „ჩვენ სიამოვნებით ვიწყებთ თანამშრომლობას TransferGo-სთან, რათა ვუზრუნველყოთ ინოვაციური, მომხმარებლებზე მორგებული სისტემები ჩვენი კლიენტებისთვის მსოფლიოს მასშტაბით.“
„ჩვენ გლობალურ მომხმარებლებს ვთავაზობთ უფრო მარტივ და სამართლიან ფინანსურ სერვისებს, რათა გაუგზავნონ მათი შრომით მოპოვებული თანხა მათ ოჯახის წევრებს და მეგობრებს,“ ამბობს რეენა ჩაუჰანი, TransferGo-ს გადახდების დირექტორი დიდ ბრიტანეთში. „ჩვენი თანამშრომლობა Visa-სთან საშუალებას გვაძლევს, შევქმნათ საერთაშორისო გადარიცხვების სანდო, უსაფრთხო და სწრაფი მეთოდი, ხოლო ჩვენს მომხმარებლებს - შეინარჩუნონ ცხოვრებისეული კავშირები და ისარგებლონ უფრო სამართლიანი ფინანსური პირობებით.“
TransferGo დაამკვიდრა თავისი ადგილი, როგორც სანდო პლატფორმა სამართლიანი საერთაშორისო გადარიცხვებში, უზრუნველყოფს მაღალ სიჩქარეს, დაბალ საკომისიოს და მარტივ პროცესს. მომხმარებლებზე მორგებული ინტერფეისისა და უმაღლესი ხარისხის სერვისით, TransferGo იდეალური პარტნიორია Visa-სთვის ფინანსიური ინკლუზიურობისა და ხელმისაწვდომობის განვითარებისთვის.
TransferGo-მ აჩვენა ფენომენალური ზრდა კავკასიაში, ცენტრალურ აზიასა და მოლდოვაში 2023 წელს 2022-თან შედარებით: 177%-იანი ზრდა შემოსავლებში, 169%-იანი ზრდა ტრანზაქციებში, 103%-იანი ზრდა ახალ კლიენტებში, რომლებიც რიცხავენ თანხას Visa ბარათებზე მათ სამშობლოებში.
იმისათვის, რომ გაიგოთ მეტი Visa-TransferGo-ს თანამშრომლობისა და პრიზების შესახებ, გადადით აქ:
https://www.transfergo.com/kampania-visa.
TransferGo-ს შესახებ:
TransferGo გლობალური ფინ. ტექნოლოგიების კომპენიაა, რომელიც ქმნის უფრო სამართლიან პირობებს გლობალური მომხმარებლებისთვის, რადგან სთავაზობს მათ უფრო მარტივ და იაფ ფინანსურ სერვისებს. უკვე 10 წელზე მეტია, რაც TransferGo ქმნის ინოვაციებს და ანგრევს ფინანსურ ბარიერებს, ეხმარება 7 მილიონზე მეტ მომხმარებელს 160 ქვეყანაში. TransferGo ყურადღებას ამახვილებს ფინანსურ ინკლუზიურობაზე, უფრო სამართლიანს ხდის საერთაშორისო გადარიცხვების პროცესს - ამარტივებს მას როგორც ფიზიკური, ისე იურიდიული პირებისთვის. ჩვენი კომპანიის ოფისები მდებარეობს ლონდონსა და ვილნიუსში და გყვავს 400-ზე მეტი თანამშრომელი ევროპის მასშტაბით.
R
