"არ დაგვინდო, გაგვინადგურა ყველაფერი...." - ძლიერი სეტყვა თერჯოლასა და ბაღდათის სოფლებში: განადგურებულია ხეხილი, ვენახები, დატბორილია ეზოები

სეტყვამ ბაღდათის მუნიციპალიტეტის ორ სოფელში პრობლემები შექმნა.

ძლიერმა სეტყვამ ობჩაში სასოფლო-სამეურნეო სავარგულები, ხეხილი და ვენახები გაანადგურა. დატბორილია რამდენიმე სახლის ეზო.

ადგილობრივების ინფორმაციით, სეტყვა რამდენიმე წუთის განმავლობაში გრძელდებოდა.

სეტყვა იყო თერჯოლაშიც. როგორც სოციალურ ქსელში წერენ, სტიქიამ სასოფლო-სამეურნეო სავარგულები იქაც გაანადგურა.

• "არ დაგვინდო გაგვინადგურა ყველაფერი." - წერს თერჯოლის მკვიდრი ლია ექსეულიძე "ფეისბუქში" და შესაბამის ფოტოს აქვეყნებს.

ამ დროისთვის, წვიმაა იმერეთის რამდენიმე მუნიციპალიტეტში.